Page 15 - Ульяна Винокурова. Е. П. Жирков Сайдыы суолун солоон...

Саха ыччатын барҕата

Ол эрээри бу халлаантан түһэн кэлбит дьыала
буолбатах. Судаарыстыба политическай, экономичес-
кай тутула, общество өйө-санаата, майгыта-сигилитэ,
итэҕэлэ-ыра санаата төрдүттэн түҥнэри эргийбит
кэмигэр оскуола эрэ уу-чуумпу олорон хаалар кыаҕа
суоҕа, онно эмиэ уларыйыы тахсара мүччүрүйбэт суол
этэ.
Оттон саҥа кэм оскуолата хайдах буолуохтаах этэй?
Университекка, математическай факультекка, ыч-
чаты сахалыы үөрэтэр туһунан толкуйдуур учуонайдар,
ол иһигэр И.И.Шамаев, И.Г.Егоров, А.С.Иванов,
Г.Н.Максимов, Е.С.Герасимов, П.А.Тимофеев,
Е.И.Суздалов, А.В.Иванова, А.И.Петрова, Е.Е.Егоро-
ва, Г.Н.Максимов, онтон да атыттар Е.П.Жирков са-
лалтатынан проблемнай лаборатория тэринэн, саҥа
ирдэбилгэ киирэр бу аһаҕас кэмҥэ төрөөбүт тылбытын
өрө тардыахха, науканы сахалыы билиһиннэриэххэ,
үөрэтиэххэ, омук куппутун-сүрбүтүн бөҕөргөтүнүөххэ
сөп диэн биир санааҕа түмүллүбүттэрэ. Ол курдук
Национальнай оскуола концепциятын сүрүн идеята —
ыччаты төрөөбүт тылынан үөрэтиэххэ диэн санаа үөс-
кээбитэ.
Демократическай, цивилизованнай сайдыы суолу-
гар үктэнэ сатыыр дойдуга үөрэхтээһин урукку курдук
аҥаардас государство, общество эрэ интэриэһин өрө
тутара табыллыбата өйдөммүтэ, регион, нация, дьиэ
кэргэн, личность интэриэһин кэлимсэ тутан көрөр
суолга киириэхтээҕэ булгуччу этэ.
Государство уонна регион интэриэһигэр экономи-
ческай, политическай, научнай, культурнай потенциа-
лы күүһүрдэргэ үөрэхтээһин биир кэлимсэ буолара
(1единое образовательное пространство) үөрэтии үрдүк
таһымын мэктиэлиир.
Общество уонна араас омук интэриэһин көмүскээн
туран, үөрэхтээһин быраапка тирэнэр демократичес-
кай государствоны тутарга хайа да омук тылын, куль-

11