Page 206 - Кун кууьар хайатыттан

ҕал, этэргэ дылы, «приедается все, лишь тебе не дано при­
мелькаться». Ким тыллара этэй?
Мин. Луи Арагон дуо?
Азиз. Суох. Пастернак эппит этэ.
Мин. A-а... сөп-сөөп... Уонна?
Азиз. Тугуй?
Мин. Ээ суох. Уонна өссө тугу гынаҕыный манна?
Азиз. Аһыыбын.
Мин. Кор эрэ, мин эмиэ дии. Уонна?
Азиз. Утуйабын.
Мин. Оттон мин түүн олох утуйбатым.
Азиз. Ону-маны ыралана сыттыҥ дуо?
Мин. Суох. Хаһан эмэ дьоллоох буола сылдьыбытым дуо
диэн саныы сатаабытым.
Азиз. Уонна туох диэн түмүккэ кэллиҥ?
Мин. Суох.
Азиз. Хаһан даҕаны ыра санаа кынатыгар уйдарбатах
эбиккин дуо?
Мин. Оннук эбит.
Азиз. Итинник буолуо суохтаах...
Мин. Айыка, ыралана сатаан сеп буолбутум. Киһи да
күлэр...
А з и з. Ол туох күлүүлээх этэй?
Мин. Артыыска буолуохпун баҕарар этим, билигин ону
күлэ саныыбын. Акаары да эбиппин...
Мин эмискэччи киниэхэ чугаһаан кэлэн кэпсээн
кутан-симэн бардым.
Оскуолаҕа сылдьан хорга солисткалыыр этим, бары мии-
гин биһирииллэрэ, ытыстарын күүскэ таһыналлара. Оскуола-
ны бүтэрээт, төһө үчүгэйдик ыллыырбын бэрэбиэркэлэнээ-
ри тыйаатырга тиийдим. Тыйаатыр администратора тараҕай
дьээдьискэ баара, кып-кыһыл уостаах эҥин... этэр: «Станис-
лавскайдаах Немирович-Данченко систиэмэтинэн тыйаатыр
таҥас ыйыыр көхөттөн саҕаланар». Онон гардеробщицанан
үлэҕэ ылла. Биирдэ дьиэтигэр ыалдьыттата ыҥырбыта. Уонна
арай тобукпуттан харбыалаһан ол-бу буолан барбытыгар наһаа
соһуйдум, кыбыһынным, олох нэһиилэ куоттум. «Биһиги
тыйаатырбытыгар айар үлэҕэ хаһан да өрө тахсыаҥ суох» дии
204