Page 229 - Кун кууьар хайатыттан

Иск а н д е р. Туох буолбутун саас-сааһынан кэпсээ.
Мин. Саас-сааһынан дуо? Мин сааһым тухары булбакка
сылдьыбыт киһибин көрүстүм. Кини...
Искандер. Аһара лирикалаама эрэ. Ол туох киһиний?
Мин. Муора эписиэрэ. Кини миэхэ ити эбисийээнэни
бэлэхтээбитэ.
Искандер. Эйигин ойох ылыан баҕарар дуо?
Мин. Кини сотору өлүөҕэ...
Искандер. Ыарыһах дуо?
Мин. Ыарыһах...
Иск а н д е р. Оччоҕо ханна бараары гынаҕыҥ?
Мин. Ханна да буоллун... Эскимостар, үрүҥ эһэлэр баар
сирдэригэр... Олохпун саҥаттан оҥостуом...
Искандер. Эн баран хааллаххына, мин итириксит буо-
луом...
Мин аан бастаан киниттэн итинник тыллары иһиттим.
Баҕар, сымыйалыыра буолаарай диэн сирэйин одуулаһабын. Суох, кини
сымыйалаабат эбит. Миигин санныбыттан ылла.
Мин. Саша, уоскуй. Билигин ити наадата суох.
Иск а н д е р. Эйигинэ суох сатаныам суоҕа...
Мин. Аньыы даҕаны, туох ааттаах уустук киһигиний!..
И с к а н д е р. Баҕарар буоллаххына, иккиэн барыахха.
Мин туохпун барытын быраҕыам, бэл атыыһыттыырбыттан
уурайыам. Пединституту бүтэрэн учуутал буолуом. Эн ырыа-
нан дьарыктаныаҥ, салгыы үөрэниэҥ. Иккиэн олус бэркэ
олоруохпут.
Мин. Хойутаатыбыт, Саша.
Искандер. Дьоллоох буоларга хаһан да хойут буолбат.
Мин. Иккиэн олордохпутуна — чуҥкуйуохпут.
Искандер. Улахан уолбун ылыахпыт. Ойоҕум кинини
биэриэҕэ. Эн ол оҕону төрөппүт оҕон курдук таптыаҕыҥ...
Кини наһаа үчгэй оҕо... Бырастыы гын миигин. Инньэ гым-
мытым ырааппыт буолуохтаах этэ. Ол эрээри отут биэс саас-
кар үөрэнэн хаалбыт дьиэ кэргэҥҥин, таптыыр оҕолоргун
быраҕан барар уустук ээ. Итинник быһыы — байҕалга кыра
оҥочонон киирэр кэриэтэ. Компаһа суох устаҕын, иннигэр
туох күүтэрин — кылааттаах арыы дуу, тимирэн өлүү дуу —
билбэккин. Ол эрээри мин билигин быһаарынным. Эйигин
15* 227