Page 230 - Кун кууьар хайатыттан

сүтэриэхпин баҕарбаппын... Күнүм сардаҥата! Мин тулалыыр
хараҥаттан олус да куттанабын! Миигин бырастыы гын. Ити
барыта эн эрэ тускар итинник гыммытым. Таптал туһугар...
эн биһикки туспутугар... (Миигин уураан-сыллаан барар.)
М и н. Эн миигин харыстыыр буолуоҥ дуо?
Иск а н д е р. Харыстыам!
М и н. Эн миигин мэлдьи таптыаҥ дуо?
Искандер. Таптыам!
М и н. Эн биһикки үчүгэйдик олоруохпут дуо?
Искандер. Оннук! Оннук!

Кини миигин харса суох сыллаан-уураан барбытыгар мин, чэпчээ-
биттии мичээрдээбитинэн, харахпын симпитим.
Сити түгэҥҥэ халлааммыт көстүбэт түгэдэ күп-күөх, сир-дойду бүтүн-
нүү халлаан өҥүнүү күп-күөх, байҕалбыт эмиэ халлаан курдук күп-күөх
буолан көһүннэ, бэл биһиги иккиэн эмиэ күп-күөҕүнэн сыдьаайарга
дылыбыт. Мин кини тапталыгар хатгаан итэҕэйбитим.
Түүн буолла. Байҕал уута сырдаан көстөр.
«Маяк» араадьыйа ынырар дорҕооно ыраахха диэри иһиллэр.
Агния Барто (долгуйбут куолаһа). Күндү араадьыйа
истээччилэрбит! Биһиги «Найти человека» диэн биэриибит
бүтэһик тахсыыта ый анараа өтгүгэр буолбута. Оттон билигин
мин иннибэр эмиэ саҥа суруктар өрөһөлөнө сыталлар. Биир
суругу ааҕан иһитиннэриим: «Күндү Агния Львовна, мин Эн
хоһоонноргун оҕо эрдэхпиттэн өйдүү сылдьабын. Биһиги ол
хоһооннору сэрии буолуон иннинэ Алексейы кытта өйтөн
ааҕарбыт. Оттон Алексей билигин суох. Түөрт уон икки сыл-
лаахха Ленинградка биһиги дьиэбитигэр буомба түспүтүгэр
биһиги иккиэн таһырдьа сүүрэн тахсыбыппыт, онтон мин
кинини сүтэрэн кэбиспитим. Мин эһиэхэ бэйэм хаартыска-
бын ыытабын, Алексей биһикки игирэлэр этибит. Баһаалыс-
та, биһиги булсарбытыгар көмөлөһүҥ...» Аны иккис суругу
ааҕыахха: «Табаарыс Барто. Мин, Сэбиэскэй Сойуус Дьоруо-
йа Петр Беспалов, сэриини Москваттан Берлиҥҥэ диэри
биирдэ да бааһырбакка ааспытым. Ол эрээри мин сүрэҕим
оспот баастаах. Сэрии кэмигэр мин кэргэммин Ирина Вик-
торовнаны уонна уолбун Игоры сүтэрэн кэбиспитим. Биһи-
ги Харьков куоракка олорбуппут. Сэрииттэн эргиллэн кэлэн
баран дьиэм оннугар урусхалламмыт кыбаарталы эрэ булбу-
тум. Көрдөһөбүн, араадьыйанан биллэриҥ. Баҕар, ким эрэ
228