Page 232 - Кун кууьар хайатыттан

киһи буолан көһүннэ. Ол иһин мүчүк гынным, онуоха кини эйэҕэстик
мичээрдээтэ. Ол кэннэ били тута сылдьыбыт тимирин массыынатыгар
олордон биэрдэ уонна дьэ собуоттаата.
Дьэ бэрт. Билигин илиибин суунуом уонна, Ларошфуко
эппитигэр дылы, билиҥҥи кэм туманын курдаттаан кэлэр
кэм саҕаҕын диэки дьулуһуохпут. (Мыыланы ылан уу диэки
барда.) Ээй, көр эрэ, ким эрэ бу диэки эрдэн иһэр дии!

Мин сүрэҕим өрө мөхсө түстэ.
и с к а н д е р. Дьахтар дуу?
Илиитинэн сапсыйда.
Иккиэн байҕалы көрөн турдубут. Сотору кытылга оҥочо тиийэн кэллэ.
Эрдиигэ маҥан халааггаах кыыс олорор этэ. Искандер оҥочону
кытылга соһон таһаарда, кыыс кумахха ыстанан түстэ, сайыҥҥы
чэпчэки атаҕын таҥаһын кыратык ууга илиттэ.
Бу кыыс кып-кыра унуохтаах, сып-сырдык баттахтаах, ып-ыраас
харахтаах этэ, хайдах эрэ аанньалы санатара. Бука, ааспыкка Азиһы
кини ыҥырдаҕа буолуо.
К ы ы с. Мин Назины көрдүүбүн. (Миэхэ чугаһаата.) Эйиэ-
хэ сурук ыыттылар. (Кэмбиэрдээх суругу уунар.)
Искандер илиитин суунан барда.
Бу Азиз ыытта. Кинини санитарнай бөртөлүөт ыла кэллэ.
Мин кэмбиэри арыйдым, атын сир диэки тэйэ хаамтым.
А з и з (куолаһа). «Күндү Нази! Бэҕэһээ киэһэ миэхэ хаан
куппуттара, ол эрээри сарсыарда эмиэ мөлтөөтүм. Урут ман-
нык куһаҕан буола илигим. Павлов акадьыамык өлөрүгэр
хайдах буолан иһэрин, туга ыалдьарын барытын ассистеныгар
этэн суруйтара сыппыта үһү. Мин учуонай да, суруйааччы да
буолбатахпын. Мин оҕото суохпун, дьиэ да туттубатым, мае
да олордубатым. Мин өйдүүр өйбүттэн, саныыр санаабыттан
ураты дьоҥҥо хаалларарым тугум да суох. Мин киһи бу күн
сиригэр тугу эрэ гынаары, туох эрэ суолталааҕы оҥороору кэ-
лэрин дьэ өйдөөтүм. Ол туһугар кини олох олоруохтаах. Киһи
үтүөҕэ да, мөкүгэ да барытыгар аһаҕас. Ыйааһын хараҕа ку-
руук биэтэҥнии турар. Киһи барахсан ис-иһиттэн үтүө санаа-
лааҕын, кэрэ дууһалааҕын эн мэлдьи итэҕэй, хаһан да умнума.
Мин бэйэм олохпун дууһа ыйааһыныгар уурдахпына, бука,
үтүө санаа өттүгэр тардыа этэ диэн бигэтик эрэнэбин! Хара
230