Page 302 - Кун кууьар хайатыттан

ардайданан эрэрэ, тоҕо диэтэххэ, дьөлөҕөһүнэн тымныытык
чыпчыҥнаһар сулустар эмиэ көстөн кэлбиттэр этэ.
— Тула баар барыта тыыннаах... — Шумкалпак саҥа таһаа-
ран санаабыта. — Оннук, туда баар барыта тыыннаах, бары
хатыламмат ураты олохтоохтор. Бука, син биир бары тыынар
тыыннаах олоҕор буоларын кэриэтэ, ити сулустар олохторо
эмиэ эҥин-эҥин буолуо: эмиэ да өһүөннээх-кырыктаах, эмиэ
да үтүө-мааны, эмиэ да акаары, эмиэ да мындыр өйдөөх...
Бэйэтин отут сэттэ сааһыгар бу аан бастаан сулустар туста-
рынан санааҕа ылларбытын эмискэ өйдүү биэрэн, ол дьикти
арыйыыттан ымайан ылла уонна хатылаан эттэ:
— Оннук, чахчы — баар барыта тыыннаах!
Бэйэтэ да билбэтинэн Шумкалпак эмиэ нухарыйан барда.
Эмиэ түһээн түҥкэлийдэ.
Уйаара-кэйээрэ биллибэт түүҥҥү халлааҥҥа кэмэ суох эл-
бэх сулус бачыгыраабыт. Хайа эмэ сулуһу сыныйан одуулас-
тыҥ даҕаны, онтуҥ саһарчы буспут, минньигэстэй сыттаах
боорсокко6 кубулуйаат, халлаантан таҥнары сурулуур. Сүүһү-
нэн сулустар, Шумкалпак тонолуппакка көрдө даҕаны, бары
саһарымтыйан көстөр боорсок буолан хаалаллар уонна кини
ордууланан сытар кээһиилээх отугар саккырыыллар.
Оччо үчүгэйи көрөөт, Шумкалпак бэрт түргэнник ордуу-
туттан оронон таҕыста, кээһии үрдүгэр биирдэ баар буола
түстэ уонна боорсоктору, тарыйан ылаат, хастыынан эмэ айа-
ҕын диэки утаарбытынан барда. Букатын ыстыы да сатаабат,
харан ыла-ыла, бэрт ыксалынан ыйыстан дьүккүк гынан иһэр.
Баҕар, ол иһин амтанын билбэтэ буолуо, оттон аччыктаабыта
ааспат да ааспат.
Халлаантан сулустар сууллаллар, боорсокко кубулуйаллар.
Шумкалпак ытыстарынан ону бэйэтигэр ньылбы тарыйан
ылар. Уонна сиэн иһэр.
Сиир.
Сиир...
Эмискэ теке7 айаатаата. Шумкалпак куттаммыттыы дьигис
гынаат, уһукта биэрдэ. Санаатыгар, теке кээһиилээх от атты-
гар сылдьар.

6 Боорсок (баурсак) — арыыга буспут бурдук ас, мөчөкө быһыылаах.
7 Теке — чубуку.
300