Page 299 - Кун кууьар хайатыттан

лыбыта, биир-икки күнүнэн гилас2, онтон чие3 нуолур хампа
сабыыларын иилэ быраҕыммыттара. Мастар күрэҥниҥи ла-
бааларын чээл күөх сабыынан бүрүйэн, ыанньыйа үллүбүт
бүөрдэртэн үнүгэстэр тыллыбыттара. Симэһиннээх чээлэй
күөх от күнтэн күн хайа эниэтинэн дабайдар дабайан өрө
үтэн тахсыбыта.
Күбэй күн барахсан, сиргэ баар бары тыыннааҕы күүһү-
нэн-уоҕунан угуттаан, күөх халлаан устун бэйэтин дьаалыты-
нан айанныыра. Киэһэтин, дьон күннээҕи түбүктэн сынньа-
нар кэмнэригэр, халлааҥҥа най былыттар ыадастан тахсалла-
ра уонна түүн ортотун чугаһыгар курулас ардах кутан барара.
Сарсыарда эмиэ күн күөрэйэн, илгэлээх сииги иҥэриммит
сири сылытгар сылытара, оччоҕо сир, аһытыылаах тиэстэ кур-
дук, налыйа үлүннэр үллэн, салгын эмиэ да кур сэтиэнэх, эмиэ
да өрө тэбэн эрэр от, эҥинэ бэйэлээх чэчик сытынан дыр-
гыйа хойдоро уонна ыраахха диэри хара чыычаахтар итиэннэ
күөрэгэйдэр ырыалара дьурулаан-дьирилээн олороро.
Ол саас хас күн аайы итинник этэ. Айылҕа уйгутунан-бы-
йаҥынан дьону чахчы бааччы маанылыырга санаммыт курдуга,
дьон ону өйдүүрэ уонна кэлин ас кутуохтаах эгэлгэ үүнээйини
өҥ буорга сарсыардаттан киэһээҥҥэ диэри олордоро.
Моҕой сылын сааһа бэркэ ааспыта.
Оттон сайын сатамматаҕа. Былыттар эрдэ тарҕанан, уостан
хаалбыттара. Сэдэх ардах сөптөөх сииги биэрэр кыаҕа суоҕа,
онон от-мас курааннаан барбыта. Бүтэй куйаас туруута таах
да үүнээйи астыйыытын, торолуйуутун түргэтэппитэ эрээри,
сир-дойду күүскэ утаппыта илэ бааччы биллэр этэ.
Курас күһүн эмиэ эрдэ кэлбитэ. Сол да ардах суоҕа. Араҕас
тыал быһыта тыытыллыбыт, күдэриги иҥэриммит курдук бы-
лыттары тохтоло суох кыйдыыра, күн тахсыаҕыттан киириэр
диэри бороҥуй буруо быыһынан төгүрүйэ өлбөөрөн көстөрө.
Бэл мындыр кырдьаҕастар ааҥнаан эрэр алдьархайы түү-
йэн санаада-онооҕо баттатан ылаллара, ол эрээри кинилэр ол
биттэниилэрин «сир ийэ быйыл бэркэ маанылаата, бурдукпу-
тун хайдах курдук үүннэрдэ!» диэн аралдьыта этэн дьоҥҥо
биллэрбэт этилэр. Кинилэр кимиэхэ эмэ куһаҕан түүлү эбэтэр

2 Гилас — черешня.
3 Чие — вишня.
297