Page 297 - Кун кууьар хайатыттан

Мантан аулга диэри киһи уунан тиийэр. Эмискэ Батма ха-
раҕар, саамай куттанар көстүүтэ илэ баардыы ойуулана түстэ.
Былаата суох Сонунбубу, алдьархай сурахтан ыаһырбыт
сирэйин, өйүн сүтэрэн, Батма атаҕын анныгар охтор. Кини
хаһыыта киһи кутун-сүрүн баттыыр, күөмэйигэр туора кэлэн
турар. Онио Батма бэйэтигэр анаммыт тыллары истэр: «Тоҕо
аҕаллыҥ эн бу хара сураҕы, тоҕо?!» Тула өттүттэн дьон бөҕө
сурук таһааччыга сүүрэн кэлэн, илиилэрин ууна-ууна, үчүгэй
сонуну аҕаларыгар көрдөһөллөр. Ол илиилэр кинини харбаан
ылыах курдук чугастар.
Батма тэһиинин тардан суор хара атын бытаардыбыта уон-
на бүтэһик күүһүнэн эргилиннэрбитэ. Дьолуолаах бастаан
өттүгэр таһыллан соһуйбута, тута хара буору өрүкүтэн карьер-
га ыстаммыта.
Батма суор хара ата почта маҥан истиэнэлэригэр аҕалбы-
тын өйдөөбөккө да хаалбыта. Ат туйаҕын тыаһын истэн маа-
ҕын Батмаҕа хара суругу биэрбит эдэр дьахтар кирилиэскэ
сүүрэн тахсыбыта.
— Сыччыа, төттөрү ыл. Мэ. Сонунбубуга суругун кыайан
туттарбатым. Кыах суох, сыччыа. Хайдах биэриэхпиний ки-
ниэхэ? Эн суругу уоттаа дуу, ол ордук буолуо...
Кырдьаҕас Батма кыаҕын сүтэрэн илиитин былас быраҕан
сиргэ сууллан түспүтэ.
Иэдээн, уолуйуу күүрбүт түгэнигэр — төрөппүт Ийэ уонна
Сир ийэ ыга куустуһа түспүттэрэ.
Батма хараҕын уута иэдэстэрин устун, итии уртуут тэҥэ
сүүрэн, Сир ийэ сүрэҕэр тиийбитэ.
Кини оҕолоругар тиксибит иэдээҥҥэ сир ыар ынчыгынан
хардарбыта. Батма өйдөөбүтэ, бу ыарахан түгэҥҥэ Сир ийэ
кинини бэйэтин сылааһын иҥэрэн уоскута сатыырын.
Тула дьон мустубута. Ким да хараҕын уутун кыайан туппа-
таҕа. Батмаҕа ким эрэ чугаһаабыта уонна курус, чуумпу куо-
лаһынан эппитэ:
— Тур, ийээ, тур.

Николай Рыкунов тылбааһа