Page 352 - Кун кууьар хайатыттан

биллэ, ыараханнык үктээн бытааннык буор холомо диэки
барда.
Эмискэ эмиэ хантан эрэ куттал суоһуурун курдук санаата.
Тулатын көрүнэн хараҕа мээнэ-мээнэ сүүрэлээтэ.
«Инньэ гынан, бу курдук олороҕун дуо?» — ким эрэ, туора
киһи, күлэн ырдьаҥныы-ырдьаҥныы, ыйытта.
«Оттон мин туту гыныахтаахпыный?»
«Дьайыах тустааххын».
«Сөп, ол эрээри, хайдах?»
«Төбөҥ баар, илииҥ-атаҕыҥ эмиэ... Туох эмэ ыксал буол-
лаҕына куотан хаалыаҥ...»
«Илиим-атаҕым мөлтөөтүлэр, барбах хамсыыллар эрэ, от-
тон төбөм букатын үлэлээбэт».
«Өлөөрү оҥоһуннуҥ дуо?»
«Суох! Итинник диэмэ!.. Санаама даҕаны!.. Мин олоруох-
пун баҕарабын. Мин эдэрбин эбээт, ол аата иннибэр олоҕум
уһун. Истэҕин дуо, уһун!»
«Оччотугар тоҕо талах анныгар лаҕыйан олороҕун? Тур уон-
на бар!»
«Тохтоо, миигин алые ыксатыма... Мин барытын ыараҥна-
тыах тустаахпын...»
«Билигин толкуйдаан туһа суох, хойутаабыккын... Эрдэ
ыараҥнатыаҥ этэ... Оттон билигин бар эбэтэр...»
«Оттон ханна барабыный?»
«Аилга, дьоҥҥо... Онно эйигин аны Шумкалпак диэн аат-
тыахтара суоҕа, онно эйигин Итөрттөөр32 диэхтэрэ...»
«Тохтоо дуу, көрдөһөбүн... Онто да суох мин төбөм сордоох
саатынан-суутунан саба көмүлүннэ...»
«Оччоҕо атын өттүгэр бар. Онно эйигин ким да билбэт,
оттон үлэһит илии ханна баҕарар ирдэнэр...»
«Ыксатыма, толкуйдуурбар кыахта биэрэ түс».
«Туту толкуйдаары гынаҕын? Холкуос бааһынатын уот-
таатыҥ. Уолчаантан симиирчэхтээх кымыһын былдьаатыҥ,
кини куоппатаҕа буоллар, атын былдьаарыгын өлөрүөҥ этэ!»
«Ити — сымыйа!»
«Бурдугу уоттаабытыҥ сымыйа дуо?»
«Ол баара...»

32 Итөртгеөр — ыт уоттааччы (өртөөччү).
350