Page 60 - Кун кууьар хайатыттан

Күн сирин кэрэтин айхаллыы,
Төрүөҕэ күөрэгэй оҕото.

Дууһата кынаттаах да буоллар,
Поэт — күөрэгэй буолбатах,
Сүрэҕин иминэн кэм-кэрдии
Дуораанын иһиллиир аналлаах.
Олохтон, кырдьыктан сүһүллэн
Биир санаа мин испэр өлбөөрбөт,
Хараҥа санаалаах киһиттэн
Тыыппалаах хоһоон төрөөбөт.

КЫРДЬАҔАС ГАРМОНИСТ

Этиҥтэн дуу, чуумпуттан дуу
Дьүлэйбит кураанах уулусса.
Дьиэ таһыгар күөх полисадник,
Соҕуруу өттүгэр чуумпу тиэргэн.

Түннүк анныгар утуйбут георгиннар,
Чаһы тыаһа иһиллибэт түннүктэн.
Таһырдьа ааһаллар массыыналар.
Сыл ахсын, сэрии бүтүөҕүттэн...

Киэһэ аайы, халлаан хараҥарыыта
Сирень талаҕа нуктаан турдаҕына,
Чуумпу олбуорга аа-дьуо киирэр
Гармошкалаах кырдьаҕас оҕонньор.

Олоппоско олоҕун булунан,
Борунуй киэһэни одуулуур:
Лабааларын нуоҕаппыт сирени,
Дьиэ үрдүгэр ыттар куосканы...

Гармошкатын түөһүгэр тардынан
Төбөтүн үрдүгэр хоҥкутан,
Чуумпутук, бытааннык оонньоон
Судургу матыыбы таһаарар.

58