Page 64 - Кун кууьар хайатыттан

Хара мэҥ хамсыырын бэлиэтээн
Ат үрдүттэн таба көрөҕүн.
Мин маннык дьүөгэлээх эр дьону
Доҕор оҥостор ыралаахпын!
Олоҕум аргыһа да ону
Өйүүрүн туойар ырыалаахпын.

ХААР

Оҕолуу ыраас хаар тохтор абылаҥа,
Хас биирдии кыырпах хатыламмат өҥө,
Халлаан түгэҕиттэн саҕыллар үҥкүү,
Күлүмүрдүү дайар дьикти араҥа
Намылыйа, налыйа сири сабардыыр,
Силлиэрэн, ытыллан, тиэтэйэн ыксыыр,
Сибигинэйэр бу суругу тылбаастаан,
Сулустардыын силлиһэн кылбачыйар...
Ким тугу бичийбитий бу сурукка?!
Тааска да ойууламмат дьиҥ кырдьыкка?!
Чыпчылҕан кистэлэҥэ саһыа суох
Кэм-кэрдии дьаптайбыт хаардаах күрдьүккэр?!

Кэлэр үйэ кынатынан сапсынан,
Хара кымньыынан имнэнэр курустан —
Күннээҕи быстах көстүүлэртэн куотуох,
Хаар чаҕыл уоттаах симэҕэр сууланан!
Таҥнарыы тойугунан хаахыныыр мае,
Бороҥ халлаан, хара өрүс, үрүҥ таас,
Ньыгыл чуумпуга бигэнэн, суураллан,
Бэл иһиллибэт кэтэхпэр тыынар тыас...
Оҕолуу ыраас хаар тохтор абылаҥа,
Хае биирдии кыырпах хатыламмат өҥө,
Халлаан түгэҕиттэн саҕыллар үҥкүү,
Күлүмүрдүү дайар дьикти араҥа...

62