Page 63 - Кун кууьар хайатыттан

Түүллэрим күөх буруолуу унаараллар,
Харахпар өспөт кэрэни айаллар,
Түҥ өбүгэлэрбит кэриэс тылларын
Дириҥник сүспүт ойуулаах очуостар.
Билбэт эрэттэр туту да туойдуннар,
Ыллыкпын күрүлгэннэр да быстыннар,
Таба тайаныахтаах бото болдьоҕум
Суруллубут дьылҕам мэҥэ тааһыгар.

Өйтөн-санааттан сүппэттии иҥмиттэр
Ойуулаах очуостар сырдык сүрэхпэр.
Субу бичиктээх таастардыын көөрөттөн
Өбүгэм мэҥэ кэриэһэ түҥнэстэр...

МАНЫЫҺЫТ КЭРГЭНЭ
Үйэ-саас хайаҕа, айаҥҥа
Кыһыны, сайыны эргиччи,
Күн ахсын тайҕаҕа, хапчааҥҥа
Уоттарын-күөстэрин кэтээччи.

Кыһалҕаҕын искэр хам баттаан
Түүннэри ордуугун көрөҕүн.
Маныыһыт олоҕун харааннаан
Чараас сүрэххинэн иэйэҕин...

Хайалаах дойдубун илгэлиир
Күнтэн айыллыбыт курдуккун.
Тымныыга ырыалаах үлэлиир
Хоһуун санааҕынан ордуккун.
Дьиэ кэргэн олоҕун тэһииннээн,
Моһолу тулуйар дьүккүөрдээх —
Бутуллубут эргин сүрүннээн
Үлэҕэ миккиллэриҥ сүрдээх.
Ыҥыырга оҕоҕун мэҥэстэн
Эр киһи курдук олороҕун.
61