Page 101 - Дойдум Уус-Алдан Хорого

.....................................= Хоро нэһилиэгин историята ..... = ... = = = ..... = = = = = = = = = = = = = =

тэтэрээт да бэрт кырыымчык этэ. Сахалыы учебник да аҕыйах этэ, хата ол оннугар 2-с кылааска
нууччалыы учебник балачча элбэх этэ. Үөрэнээччилэр ааҕар, суруйар, боростуой ахсааннары эрэ
таһаарар буолбуттара быһыылаах этэ. Онтон ордук дириҥ билиини биэрдэхпит буолуо диэн этэр
кыах суох. Иккис кылааска сокуоннай саастарын ситэллэрэ чугаһаабыт оҕолор бааллара. Ол
континген аҕыйаҕынан быһаарыллар. Бастаан учуокка ылыллыбыт оҕолор ыалдьан атын сиргэ
көһөн, сорохторо төрөппүттэрэ оскуолаҕа биэрбэккэ кыайан хабыллыбакка хаалбыттара. Уонтан
тахса оҕо хабыллыбатах диэн нэһилиэк сэбиэтигэр, роноҕа киэн кэпсэтии, критика буоларын
өйдүүбүн.
Үөрэх процеһа хайдах барбытын, үлэ хайдах түмүктэммитин сиһилии суруйар кыах билигин
суох. 44 сыллааҕыны барытын өйгө тута сылдьан сиһилии, чуолкайдык суруйар кытаанах буолсу.

Хоро оскуолатыгар 1931-1932 сс. үөрэммит оҕолор испииһэктэрэ

1. Бурцев Андрей Иванович- госбанк бухгалтера
2. Крылов Николай Михайлович- автобаза начальнига
3. Крылов Гаврил Павлович- райплан заведующайа
4. Крылов Еремей Гаврилович- учуутал
5. Крылова Ольга Васильевна- домохозяйка
6. Гуляев Дмитрий Иванович- Чаран
7. Бурцев Семен Иванович II- /Такыр/ Чаран
8. Заровняева Екатерина Сергеевна
9. Андросов Николай Михайлович- Сыырдаах
10. Бурцев Егор Иванович- райцентр
Итинтэн атыттары ойбер киллэрбэтим, сорохторо ыалдьан, сорохторо сэриигэ өлбүттэрэ.

Лхтыыны оцордо Дмитрий Васильевич БУРЦЕВ.

Чараҥ оскуолатын маҥнайгы аһыллыытын туһунан ахтыыта

/оскуола 1-гы аһыллыытьш туһунан бэлиэтээһиннэр/

Хоро нэһилиэгин оҕолоро Чараҥҥа оскуола аһыллыар диэри, аһыллыбытын да кэннэ сорохторо
Мүрү Томторугар 7 группалаах бааһынай ыччат оскуолатыгар /ШКМ/ үөрэнэллэрэ.
Хоро оскуолата 1931 с. балаҕан ыйын ортотугар аһыллыбыт. Бастаан аһыллыытыгар оскуола
икки группалаах эбит. Ити сыл сэбиэдиссэйинэн Бурцев Дмитрий Васильевич, иккис учууталынан
Ноговицына Валентина Васильевна /кэлин кэргэннэнэн Андреева диэн буолбут/ буолан үлэлээбитгэр.
Валентина Васильевна күһүөрү кыһын дьоно ыалдьан, дойдутугар Ньурбаҕа барбыт. Ол онну­
гар сэттэ кылааһы бүтэрбит Жирков Григорий Иванович кэлэн үлэлээбит. Кини үөрэх бүппүтүн
кэннэ 1932 с. сайыныгар дьонугар куоракка киирбит.
Оскуола аһыллар сылыгар 1-гы кылааска 25, иккис кылааска 20 оҕо үөрэммит. Учууталлара
7-лии кылаас үөрэхтээх оҕо дьоннор үөрэппиттэр. Ити кэмнэ партия КК бары бүттүүн начальнай
үөрэхтээһини саҕалыырга уурааҕа тахсыбыт кэмэ этэ. Онон оччотооҕу комсомолецтары оскуола
партатыттан быһа учууталларынан анаталаан ыыталаабыттар. Ол иһин билии-көрүү, үөрэх диэн
бэрт дьаданы дьоно быһыылаахпыт, онуоха эбии дьиэ-уот, материальнай база олох быстар мол-
төҕө диэн ахтыбыта Дмитрий Васильев. Ол кэмнэ оскуолалар бары кэриэтэ киэн соҕус чааһынай
дьиэлэргэ эбэтэр кулаактартан туорданан ылыллыбыт дьиэлэргэ аһыллаллара.
Хоро оскуолата аан бастаан Бурцев Митрофан Васильевич дьиэтигэр аһыллыбыта. Онтон
кэлин Бэрт-Ууһуттан Дьөгүөһэ кулаак дьиэтин көһөрөн киллэрэн онно үөрэммиттэр. Оскуола
дьиэ 1932-33 сс. үөрэх сылыгар үлэҕэ киирбит. Сана оскуола материальнай базата улам бөҕөргөөн
испит. 1932 сыллаахха Чаран Андросовтар дьиэлэригэр тулаайах оҕолорго анаан интернат аһыл-
лыбыт. Бу интернакка ыраах сиртэн кэлбит оҕолор эмиэ кэлэн олороллоро. Күнүс оскуола үөрэ-
нээччилэригэр итии аһылык тэриллэн оҕолору аһаталлара. Итии аһылык поварынан Вера Крылова
диэн эмээхсин үлэлиирэ.
1933 с. атырдьах ыйын 15 күнүнээҕи, Уус-Алданнааҕы РИК председателэ Пестряков М.Н. 65
№-дээх прикаһынан атырдьах ыйыттан 1933 сылтан Хоро совшколатыгар үс сылга болдьохтоон,
1933-34 сс. үөрэх сылыттан саҕалаан учууталынан Василий Николаевич Мигалкин үлэлиир. Кини

97