Page 32 - Дойдум Уус-Алдан Хорого

.................... .............................. Дойдум - Уус-Алдан Хорою 1 = = = = ................=

Ховров Дмитрий Иванович - Миччээ. Моххо Киллик Уйбаан орто уола. Моххоттон көһөн
киирэн Лампаайы арҕаа өттүгэр тыа саҕатыгар дьиэ туттан олорбуттара. Хотон салҕааһыннаах
саха балаҕана. Икки ааннаах улахан ампаардааҕа, хоспохтооҕо. Кинилэри кытта аҕата Киилик
Уйбаан, Киргиэлэй уонна Прокопий диэн икки уол көһөн кэлбиттэрэ. Оҕонньор наһаа тиэтэллээҕэ,
оттон оҕолоро бытаан, холку дьоннор этилэр. Прокопий Иванович Лампаайыга хаана баран өлбүтэ.
1934 сыллаахха Киргиэлэй кэргэннэммэккэ сылдьан Чараҥҥа Кычыкааларга сытан өлбүтэ. Миччээ
икки кыыстаах, ус уоллаах. Улахан кыыһа Курилкин Василий Николаевичка кэргэн тахсан Муся
диэн кыыстаммыта. Иккис кыыһы - Аннаны Жирков Тимофей диэн киһи ылан ииппитэ. Кэлин
Гаврильев Егор Петрович диэн киһиэхэ кэргэн тахсан икки уоллаах. Николай уоллаах кыыс иитиэх
оҕолоох. Майаҕаска олорор. Улахан уол Николай сэрии сылларыгар армияҕа ынырыллан баран,
ыалдьан кэлэн Куотукаҕа өлбүт, иккис уол Тумус Ньукулай - Ховров Николай Дмитриевич
Майаҕаска учууталлаан баран бочуоттаах сынньаланна тахсан олорор. Өлөксөй диэн уол кэргэнэ
суох. Миччээ эмээхсининээн аҕыс уон саастарын ааһан баран өлбүттэрэ.
Жирков Арсентий - Өссүөнтэй оҕонньор. Лампаайы уонна Тимир баппьгГдиэн алаастар
икки ардыларыгар баар кыырай тыаны солоон, хотонноох саха балаҕанын тугтубута. Колхоз буол-
бутун кэннэ, Иванов Филипп Мифодиевич олоро сылдьыбыта. Арсентий уоллаах кыыс оҕолордооҕо.
Уола Тимофей Силиҥ оҕонньор улахан кыыһын Ааныканы кэргэн ылан оҕоломмотохторо. Миччээ
кыыһа Аананы ииппиттэрэ. Арсентий кыыһын Быччаҕар Лөгүөнтэй кэргэн ылан, Герасим уонна
Ньакыы Ньукулай диэн икки уол оҕоломмута. Герасим оскуолаҕа үөрэнэ сылдьан өлбүтэ. Ньакыы
Ньукулай уон үс оҕолоох. Майаҕаска олорор.
Крылов Гаврил Александрович I - Ыарытыган Хабырыыс. Куотука хоту өттүгэр бул-
гунньахтаах, «Тимир баппыт» диэн кыра алааска, халдьаайыга олорбута. Кини сыыр үрдүгэр
уонна анныгар саха балаҕаннааҕа. Бэрт-Ууһуттан Г оголев - Дохсунуоп диэн хос ааттаах аҕаһын
Маарыйаны кэргэн ылан, алта уол, икки кыыс оҕоломмута. Онтон саамай улаханнара Миитэрээс
- Крылов Дмитрий Гаврильевич I Майаҕаска олорор, элбэх оҕолордоох. Миитэрээстэн балыс Семен
Г аврильевич - Даҕайаарап Аҕа дойду сэриитин кыттыылааҕа, «Албан аат» орден үһүс, Аҕа дой­
ду сэриитин 1-кы степеннээх орденнардаах. Баатаҕайтан Романова Варвара Григорьевна диэн
дьахтары кэргэн ылан, элбэх оҕолоох. Киниттэн балыс Дмитрий диэн уол таайыгар Дохсунуопка
иитиллибитэ. Онон араспаанньата Гоголев, оҕото суох. Итинтэн балыс Еремей Гаврильевич Аҕа
дойду Улуу сэриитин кыттыылааҕа, бааһырыылаах, Аҕа дойду Улуу сэриитин 1-кы степеннээх
орденнаах. Суоттуга совет председателэ, учуутал. Майаҕас оскуолатыгар директордаабыта.
Кэргэнэ учуутал, Чараҥ Бочоку Баһылай аччыгый кыыһын кэргэн ылан, икки уол, үс кыыс
оҕолоохтор. Еремейтэн балыс Маня, Гоголев Петр Никотоновичка кэргэн тахсан икки уол, икки
кыыс оҕолордоох. Маняттан балыс Петя юридическай үрдүк үөрэхтээх. Намҥа прокурордаа-
быта, онтон райплаҥҥа председателлээбитэ. Намҥа олорор. Онтон балыс Ганя сэрии иннинэ өлбүтэ.
Саамай аччыгыйдара Настаа университеты бүтэрэн баран, Өймөкөөн оройуонугар үлэлии сылдьан
кэргэннэммитэ. Оҕолордоох. Хабырылла оҕонньор эдэригэр сүрдээх кытыгыраһа үһү. Оҕонньор,
1942 с. кураан, сут сыл Бүгүйэххэ киирэн иһэн, халдьаайыга өлбүт.
Кырчакыап Бүөтүр /бараах уола/. Куотукаттан хоту диэки Арыылаах диэн кэҥэс алааска
олохтоох. Илин арыылахха хотон салҕааһыннаах саха балаҕаннааҕа. Арҕаа арыылаахха, тыа са-
ҕатыгар хотон салҕааһыннаах нуучча дьиэлээҕэ, ампаардааҕа. Бараах уола «Хатыҥ сыһыы» кол-
хозка чилиэнинэн киирбитэ. Икки уоллааҕа. Улахана Лобуй Ньукулай, кырата Элэкис Өлөксөй
диэннэр. Элэкис Бэрт-Ууһуттан Данилова Пелагея Николаевнаны кэргэн ылан баран араарбыта.
Ону Роман Кузьмич Крылов - Чоҥой кэргэн ылан Марыына диэн кыыстаах, икки уоллаах. Бэйэтэ
Хороҕо сэрии кэнниттэн совекка секретардаабыта.
Стручков Данил - Хадаар Тайыла улахан уола. Чөкчоҥө диэн хос ааттаах элбэх оҕолоох
ыал, Көрдүгэн диэн алааска олорбута. Саха балаҕаннааҕа. «Хатыҥ сыһыы» колхозка киирбитэ.
Крылов Семен Федотович уонна быраата Крылов Алексей Федотович - диэн ыаллар,
Мыйаах уонна Арыылаах икки ардыларынааҕы кыра кыҥырай тыаны солоон, дьиэ-уот туттан,
бурдук сирэ оҥостон олорбуттар. Семен оҕонньор хотон салҕааһыннаах саха балаҕаннааҕа, икки
ампаардааҕа, элбэх күрүө-хаһаа баара. Сайылык дьиэтэ Майаҕаска баара. Киниттэн соҕуруу

28