Page 30 - Дойдум Уус-Алдан Хорого

1 , = = = = = = = = Дойдум - Уус-Алдан Хорою = = = = = .. = = = = = = = = = = = = = ",=

Птицын Михаил Михайлович /Бөтүөхэй, Суор Мэхээлэ диэн хос ааттардааҕа/. Олоҕо
Куотука арыы тыатын илин саҕатыгар, ойбон көлүйэ соҕуруу үрдүгэр, хотон салҕааһыннаах ту-
руору балаҕаннааҕа. Дьиэтин иннигэр ампаардааҕа, сахатын балаҕанын кэннигэр арыы тыа саҕа-
тыгар сытыары нуучча дьиэлээҕэ. Сайылыга Өлөҥ Атахха Эбэҕэ баара. Элбэх муннуктаах ба-
баарына дьиэ. Матырыас диэн эмээхсиннээҕэ. Ол Хатыҥ Сыһыы Халый Уйбаан- Протодьяконов
Иван Семенович эһэтин бииргэ төрөөбүт эдьиийэ. Суор оҕонньордоох оҕолоругар өлүүлээх буо-
ланнар, Птицын Алексей уонна Елена диэн кыыһы Бэрт Ууһуттан ылан ииппиттэрэ.
Птицын Михаил Афанасьевич ЛГордох оҕонньор/. Куотука халдьаайытыгар Күйгээн дьиэ­
тин арҕаа өттүгэр олорбута. Хотон салҕааһыннаах саха балаҕаннааҕа. Кэлин Мэхээлэ уус киһи
буола улаатан баран, саҥа киэҥ саха балаҕанын туттубута. Итини таһынан Ойбон көлүйэ халдьаа­
йытыгар Тордох дьиэтэ диэн ампаардаах эмиэ саха балаҕана баара. Ону, кэлин колхоз буолбутун
кэннэ, Крылов Прокопий Александрович уһанар дьиэ оҥостубута. Оҕонньор оҕото суоҕа. Эдьиийэ
Марфа эмээхсин 13-тэ оҕоломмута. Онтон Мэхээскэ уонна Маппыыча диэн кыыһы ылан ииппитэ.
Ноговицын Харытыан оҕонньор Куотука халдьаайытыгар олохтоох, сайылыга Эбэҕэ Өлөҥ
Атахха баар. Оҕото суох. Убайын уолаттарын кытта эҥэрдэһэн олорбут. Убайа Мэхээлэ үс уоллаах.
Улахана Ноговицын Гаврил Михайлович - Өрөһөөх, уола Ноговицын Гаврил Гаврильевич - Нога.
Иккис уол Игнатий, үһүс уол Николай - Мэлэкээр. Икки кэнникилэр кэргэннэммэтэхтэр.
Жирков Василий Иванович /Баһыччык/. Куотука кутуругар олорбута. Хотон салҕааһына
саха балаҕаннаах. Ол таһыгар саҥатык үчүгэй оҥоһуулаах чуулааннаах нуучча дьиэлээҕэ. Кэргэнэ
Балбаара улахан, үчүгэй майгылаах, маҥан эмээхсин этэ. Оҕонньор кыһынын дьаам сүүрдэрэ.
Колхозтар тэриллиэхтэрин иннинэ, Анаҕаһыннаах арҕаа өттүгэр Андросов Николай Петровиһы -
Нууланы кытта дьукаах олорбута. Баһыччык улахан кыыһа Бэрт-Ууһугар кэргэн тахсыбыта.
Хас да оҕолоох. Уола Бүөккэ кэргэннэнэн биир уолламмыта. Ол уола Жирков Святослав үрдүк
үөрэхтээх агроном. «П-Заболоцкай», «Маяк» совхозтарга директордаабыта. Бүөккэ бэйэтэ, балта
Ааныска, ийэлэрэ Варвара сэрии сылларыгар өлбүттэр.
Жирков Егор - Буккуратар Дьөгүөр. Куотука кутуругар Баһыччыктар арҕаа өттүлэригэр,
хотон салҕааһыннаах саха балаҕаныгар олорбута. Сорох сайын Саккынньах эмээхсиннээххэ
дьукаахтаһан олорбута. Томтор паровигар, Дьаамҥа үлэлээбитэ. Матырыас диэн эмээхсиннээҕэ.
Бэйэлэрэ төрөппүт уоллаах кыыс оҕолоохторо уонна Бэрт-Ууһа Колодезников Гаврил - Чалыам
Хабырыыс диэн киһиттэн, Чыкый Маайа диэн кыыһы ылан ииппиттэрэ. Уола Петр учуутал, Балта
Маайа диэн.
Жирков Баабаҥ - Куотука тоҥолоҕор куулаҕа олорбут. Үчүгэй аата биллибэт. Оҕото суох.

Куотука алаастарын олохтоохторо

Крылов Александр Семенович /Оноопур оҕонньор/. Куотукаттан илин диэки Кэрэх илин
аартыгынан таҕыстахха, чугас Кутуйах диэн ортотугар булгунньахтаах кыра соҕус алаас баар.
Ол алаас илин халдьаайы сыырын үрдүгэр олорбута. Кини Тордох оҕонньор бииргэ төрөөбүт
эдьиийин Марфаны кэргэн ылан, 6 уол, 7 кыыс оҕоломмуттар. Ол оҕолоро бары ыал буолан дьиэ-
лэнэн-уоттанан баран өлбүттэр. Кэлин сыыр үрдүнээҕи хотонноох нуучча дьиэтигэр Крылов Г аврил
Александрович 2-с Хабыычча аҕата быраата Баһылайдыын олорбута. Кинини “торуой Хабырыл-
ла” эбэтэр “аҕабыыт Хабырылла” дииллэрэ. Кини Бэрт-Ууһуттан Татьяна диэн дьахтары кэргэн
ылан, үс уол, биир кыыс оҕоломмуттара. Онтон улаханнара, Хабыыча Майаҕаска, элбэх оҕолоох,
Өлөөнө Бэрт-Ууһугар Колодезников Иннокентий Николаевичка кэргэн тахсан, икки уол, биир
кыыс оҕоломмуттара, Быыдаан Дмитрийтэн элбэх оҕолоох. Эппэкээн Митэрэпээнтэн биир уол,
түөрт кыыс оҕолор төрөөбүтгэрэ. Митэрэпээн Чараҥҥа олорор. Ылдьаанаттан 4 оҕолоох.
Оноопур оҕонньор саамай аччыгый уола, Баһылай Курбуһахтан Аммосов Петр Васильевич
эдьиийин Настааны кэргэн ылан баран оҕоломмотохторо. Кинилэртэн сыыры таҥнары киирээти
кытта, Оноопур уола Боропуокайдаах-Крылов Прокопий Александровичтаах олорбуттара. Кини
Н-с Байаҕантайтан Бөочоре - Охлопков Иннокентий диэн киһи кыыһын Сөдүөччүйэни кэргэн
ылан, кэлин уоллаах кыыс оҕоломмутгара. Митэрэпээни “торуой Хабырыллатган” ылан ииппиттэр.

26