Page 12 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

бастакы ТОЗ-тары тэрийиигэ, холкуостары бөдөҥсүтүүгэ элбэх сыратын
биэрэн үлэлээбит, партия чилиэнэ.
Бороҕоҥҥо сберкасса сэбиэдиссэйинэн үлэлии олорон 1941 сыл балаҕан
ыйын 4 күнүгэр сэриигэ ыҥырыллыбыт. Үлэтин туттаран баран дойдуту-
гар Курбуһахха тахсан ийэтин, оҕолорун кытта икки хонон барбыт. «Аҕам
барарыгар ийэтигэр: “Ийээ, наһаа айманыма. Мин Ийэ дойдубун өстөөхтөн
көмүскүүр ытык иэһим, этэҥҥэ сырыттахпына эргиллиэм буоллаҕа. Оҕо-
лору үөрэттэрэ сатаар. Сүөһүлэргин холкуоска ылан көрүөхтэрэ, этэҥҥэ
буолуҥ”, — диэбитэ. Сэриигэ барааччылары атаарыы буолбута. Аҕабыт
эдьиийим биһи иккини көтөҕөн ылан сыллаталаан баран сулбу атыгар хаа-
ман тиийбитэ. Акка олорон буору өрүкүтэн арҕаа диэки бара турбуттара
билигин даҕаны харахпар көстөргө дылы», диэн кыыһа Аана ахтыытыгар
суруйбут. Кыргыттар эрдэ тулаайах хаалбыттар ийэлэрэ эрдэ өлбүт, эбэ-
лэрэ сэрии кэмигэр.
Александр 110 стрелковай дивизия 1287 стрелковай полкатын састаа-
быгар киирэн сэриилэспит. 1942 сыл кулун тутар 22 күнүгэр сэрии толоо-
нугар хорсуннук сэриилэһэ сылдьан охтубут. Көмүллүбүт сирэ Смоленскай
уобалас Износкинскай оройуонун Беспутино дэриэбинэтэ.
Александр Васильевич улахан кыыһа Маайа кыратыттан ыарыһах буо-
лан, сэрии ыар сыллара кэбирэтэннэр 1960 сыллаахха суорҕан-тэллэх ки-
һитэ буолан күн сириттэн барбыт.
Иккис кыыһа Пухова Анна Александровна Уус Күөлүн бөһүөлэгэр
олорбута, биэс оҕо ийэтэ, элбэх сиэн, хос сиэн тапталлаах эбэтэ буолбута.

Копырин, А. Дьолго дьулуур күүһүнэн / Афанасий Копырин // Мүрү саһарҕата.—
2004.— Ахсынньы 11 к.
Сэрии мин дьиэ кэргэним олоҕор // Мүрү саһарҕата.— 2020.— Атырдьах ыйын
20 к. — С. 8-9.

10