Page 146 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

ОКОЕМОВ ГАВРИЛ МАКАРОВИЧ
(1912-1974)

1912 сыллаахха I Курбуһах нэһилиэгэр Мэндиэ-
рэҕэ Макар Михайлович уонна Февронья Алексе­
евна Окоемовтар дьиэ кэргэннэригэр төрөөбүт. Сэ-
рии иннинэ Молотов аатынан холкуоска үлэлээбит.
Моой Үрэҕинэн, Ааллаах Үүнүнэн таҥас таһыыты-
гар сылдьыбыт.
«Таайым Гаврил Макарович Окоемов сэриигэ
1941 сыл атырдьах ыйын 15 күнүгэр ыҥырыллыбы-
та. Кини сэриигэ кавалерия чааһыгар сылдьыбыт.
Биһиги аттаах сэриилэрбит өстөөхтөргө өмүтүн-
нэрэн, кэннилэриттэн киирэн тирээн туран тааҥка-
ларын, байыаннай сэриилэрин-сэптэрин, массыыналарын тоҕута ытыалаан
баран, суола-ииһэ суох, кута-маар сирдэринэн буускаларын акка состор-
бутунан сүтэн хаалаллара. Сарсыныгар аны 100-120 км ыраах сиринэн
күөрэйэн кэлэн хоромньуну таһаараллара.
Таайбыт бастаан сэриигэ киириитэ тутуһан туран ыстыыктааһынынан
саҕаламмыт. Биһиги дьоммут ыстыык атаакатыгар үстүү буолан киирэл-
лэр эбит. Биир бастыыр, иккис ойоҕосторун, үһүс кэннилэрин көрөр үһү.
Биирдэ таайым аах чаастара аһаҕас хонуунан өстөөххө саба сүүрдэн киир-
бит. Бу иһэн аҕам миинэн испит Ураанньык диэн ааттаах орловскай сүүрүгэ
буулдьаҕа таптаран охтубут. Таайым “саас сарайтан таммах таммалыырын
курдук” лаһыгырас буулдьа ортотугар киэһээҥҥэ диэри сыппыт. Киэһэ ха-
раҥарбытын кэннэ төттөрү сыыллан бэйэтин дьонугар кэлбитэ, сүүрбэттэн
эрэ тахса киһи ордон хаалбыт.
Биирдэ төгүрүктээһиҥҥэ түбэспиттэр. Хамандыырдара, эдэр нуучча
эписиэрэ, куомпаһа алдьанан, барар туһаайыытын сүтэрэн кэбиспит. Ин-
ньэ гынан, таайым күнүһүн отунан-маһынан, түүнүн сулуһунан сирдэтэн,
чаһы төһө буолбутун ыйан-кэрдэн сирдьиттээн сылдьыбыт. Дэлби утатан
дьон атаҕын суола ойо баттаабыт сириттэн ууну булан сомсон иһэллэр
эбит. Итинник сордонон, бэйэлэрин дьонноругар быһар быһаҕастара эрэ
ордон тиийбит. Бу сырыыга таайым атаҕар бааһырбыт. Уҥа буутугар ула-
хан баҕайытык ыртайа сылдьар сүүрбэччэ сантиметр уһуннаах чэрдээҕэ.
Ону ыйыттахха: “Ээ, бу кыра, тас баас”, — диирэ.
Биир кимэн киириигэ өстөөх буулдьатын ортотугар саба сүүрэн испит.
Тулатыгар баар дьоно сылбах курдук охтоллоро үһү. Бу иһэн сүтэн хаалбыт.

128