Page 142 - Курбуьахтар А5а дойду кемускэлигэр

Курбуһахтар дойду көмускэлигэр

КЫАЙЫЫ!
МЕСТНИКОВ САВВА ИВАНОВИЧ
(1906-1992)

1906 сыл от ыйын 6 күнүгэр I Курбуһах нэһи-
лиэгэр Укаанньы Уолбата диэн сиргэ Иван Петро­
вич уонна Степанида Саввична Местниковтар дьиэ
кэргэннэригэр төрөөбүт. Төрөппүттэрэ 1919 сыл-
лаахха өлбүттэригэр 1920-1923 сылларга Намҥа
Соловьев Семен, Ядрихинскай Гаврил диэн сэниэ
ыалларга хамнаска үлэлии барбыт, 1923-1928 сыл­
ларга Дьокуускайга бостуугунан, кирпииччэ собуо-
тугар оробуочайынан үлэлээбит. Нөҥүө сылыгар
дойдутугар тонной кэлэн кэргэн ылан, төрөппүттэ-
риттэн хаалбыт сүөһүлэрин төттөрү ылан, «Ном-
нуо» артыалга киирбит. Артыал аатыттан Дьо­
куускайга икки сыл тутууга үлэлээбит. 1932-1934 сылларга артыалга
биригэдьииринэн, 1934-1938 сылларга «Кустук суола» холкуос бэрэссэдээ-
тэлинэн, 1939-1942 сылларга оройуоннааҕы балыыһаҕа хаһаайыстыбан-
най чаас сэбиэдиссэйинэн үлэлээбит.
1942 сыл бэс ыйын 23 күнүгэр Чурапчы оройуонун байыаннай комис-
сариатынан ыҥырыллан фроҥҥа барбыт. 16 стрелковай полк 44 стрелковай
биригээдэ састаабыгар киирэн 1942-1943 сылларга Япония кыраныысса-
тыгар сулууспалаабыт. 1944 сылтан II Украинскай фроҥҥа, 1945 сылтан
III Украинскай фроҥҥа стрелковай пехотаҕа сэриилэспит. Заполярьены,
Белоруссияны, Румынияны, Бессарабияны босхолоспут. Польша сиригэр
Крохов куоракка Кыайыы күнүн көрсүбүт. 1945 сыл ыам ыйын 13 күнүгэр
бирикээс быһыытынан Германия сиригэр тиийэн билиэн түбэспит немец-
тэри үлэлэтиигэ сылдьыбыт.
1945 сыл ыам ыйын 15 күнүгэр Японияны кытта сэриигэ ыыппыттар.
Онно Читаҕа тиийэн баран, Япония бэринэн, төннүбүт уонна Байкал күөл
таһыгар тутууга үлэлээбит.
1946 сыл ахсынньы ыйга дойдутугар демобилизацияланан кэлбит.
1946-1949 сылларга холкуос солбуйар бэрэссэдээтэлинэн, 1949-1957 сыл­
ларга Курбуһах нэһилиэгэр Совет бэрэссэдээтэлинэн, 1953-1967 сыллар­
га хонуу биригэдьииринэн, 1967-1969 сылларга сопхуос оробуочайынан,
1957 сылтан госстрах агенынан үлэлээбит.
«Германияны кыайыы иһин», «Советскай Заполярье оборонатын иһин»,
Кыайыы үбүлүөйүнэй мэтээллэринэн наҕараадаламмыт.
124