Page 147 - Курбуьахтар А5а дойду кемускэлигэр

Ким да умнуллубат, туох да умнуллубат!

Госпитальга эрэ сытан өйдөммүт. Икки уҥа ойоҕоһо үлтүрүйбүт, миномет
үлтүркэйэ тыҥатыгар хатаммыт, улаханнык контузияламмыт. Бэрт өр эмтэ-
нэн баран, инбэлиит буолан 1943 сыл балаҕан ыйын 5 күнүгэр төрөөбүт дой-
дутун булбут. Ол кэлэн иһэн, айаннаан испит поеһын вагона умайан, туох да
докумуона суох турар бэйэтинэн хаалан хаалбыт. Ол гынан, дойдутун сор
бөҕөнөн булбут. Кыһыытыгар, кинини букатын хойукка диэри “докумуона
суох” диэн сэрии бэтэрээнинэн аахпакка сылдьыбыттар. Сэрии кэннинээҕи
олоххо үчүгэй баҕайытык олоруох киһи быстах өлүүгэ, 1974 сыл атырдьах
ыйын 2 күнүгэр күн сириттэн күрэммитэ», диэн 2013 сыллаахха «Кыым»
хаһыакка «Таайым хорсун буойун» ыстатыйатыгар М. Крылов ахтар.
Гаврил Макарович сэрии кэнниттэн Молотов аатынан холкуоска бэрэс-
сэдээтэлинэн, биригэдьииринэн үлэлээбит. Кэргэннэнэн, оҕолонон, элбэх
сиэннэммит, хос сиэннэммит.

Местников, Е. Кинини кэмигэр өйдөөбөтөхтөрө / Е. Местников // Кыым.— 1995.—
Ыам ыйын 6 к.
Местников, Е. Бу дьиэҕэ үс мемориальнай дуоска саайыллыаҕа / Е. Местников //
Ил Түмэн.— 2010.— Муус устар 16 к.
Окоемов, Н. Сэрии бэтэрээнин кэриэстээн / Н.Окоемов // Мүрү саһарҕата.—
2013.— Тохсунньу 16 к.

ОКОЕМОВ ГАВРИЛ СЕМЕНОВИЧ
(1912-1942)
1912 сыллаахха II Курбуһах нэһилиэгэр Арҕаа Сэтэми аҕатын ууһугар
Хомустаах алааска Семен Гаврильевич уонна Екатерина Павловна Окое-
мовтар дьиэ кэргэннэригэр төрөөбүт.
Гаврил 1930 сыллаахха «Дулҕалаах» артыалга киирбит. Ийэтэ эрдэ
өлөн, элбэх оҕо тулаайах хаалан, оскуолаҕа үөрэммэтэх. Улахан дьону кыт-
та ликбезкэ үөрэнэн ааҕар, суруйар буолбут.
1942 сыл бэс ыйын 25 күнүгэр Мэҥэ Хаҥалас байыаннай комиссариа-
тынан ыҥырыллан фроҥҥа барбыт. Мальта станцияҕа байыаннай бэлэмнэ-
ниигэ үөрэммит. 1942 сыл ахсынньы ыйга арҕаа фроҥҥа атаарыллыбыт,
831-с стрелковай батальоҥҥа сулууспалаабыт. Сотору сураҕа суох сүп-
пүтүн туһунан биллэрии кэлбит. Кэлиҥҥи чуолкайдааһынынан 1942 сыл
кулун тутар 25 күнүгэр 50-21 №-дээх эвакуационнай госпитальга ыара-
хан бааһырыыттан өлбүт. Москва куоракка Преображенскай кылабыыһаҕа
көмүллүбүтэ биллибит.

Иккис Курбуһах Сталин холкуоһа Кыайыы туһугар.— Дьокуускай, 2007, — С. 25.
129