Page 144 - Курбуьахтар А5а дойду кемускэлигэр

typ6yh.axm.ap ylga дойду көлщскэлигэр

КЫАИЫЫ!
ОКОЕМОВ АЛЕКСАНДР СИДОРОВИЧ
(1905-1977)

1905 сыллахха I Курбуһах нэһилиэгэр Күөтүккэ
икки хараҕа суох Окоемов Сидор Филиппович дьиэ
кэргэнигэр төрөөбүт. Кинилэр игирэлэр, уолаттары
Николай I уонна Николай II диэн ааттаабыттар, кэн-
ники Ньукулайдартан биирдэрин Өлөксөөн диэн
сурукка киллэрбиттэр.
Александр сэрии иннинэ Молотов аатынан хол-
куоска сылгыһытынан үлэлээбит, 11 төгүл Ааллаах
Үүҥҥэ таһаҕас таһыытыгар сылдьыбыт.
1943 сыллаахха быраата Николай сэрииттэн кэ-
лээтин кытта бэбиэскэ тутан аармыйаҕа барбыт.
Буойун ахтарынан: «Ыйааһын хараҕа биһиги өттүбүтүгэр буолбутун кэннэ
барбытым. Сэриигэ сылдьан Советскай Союз Маршальш Г. К. Жуковы ик-
китэ көрбүтүм: бастаан сэриилэһэр чааска сылдьан, иккиһин Москва куо-
ракка Кыайыы парадыгар».
Сэриигэ урусхалламмыт дойдуну чөлүгэр түһэрсэн баран, 1946 сыл­
лаахха полковник Стужин, майор Мартынов илии баттааһыннаах махтал
суруктаах, «Германияны кыайыы иһин» мэтээллээх төрөөбүт дойдутугар
этэҥҥэ эргиллэн кэлбит.
Кэлээт холкуос араас үлэтигэр күүһүн харыстаабакка үтүө суобастаах-
тык үлэлээн барбыт. Массыынанан бастыҥ от оҕустарааччы, сиэмэ быста-
рааччы эбит. Кыһынын ат көлөнөн таһаҕас таһыытыгар сылдьыбыт.
Стахановец, коммунистическай үлэ ударнига, буойун саллаат 1977 сыл­
лаахха Быччыылыкка олорон өлбүт.
Кэргэнэ Анастасия В асильевналыын биэс оҕону төрөтөн, улаатынна-
ран, атахтарыгар туруорбуттара. Кинилэр олохторун элбэх сиэн, хос сиэн
салгыыллар.

Окоемов, Н. Ытык сааһым ахтыылара / Николай Окоемов, — Дьокуускай, 2015. —
С. 78 ; 144-146.
* * *
Аммосов, А. Сиидэрэбистэр / А. Аммосов // Забота-Арчы. — 2008. — Ыам ыйын 8 к.
Винокурова, А. Ахтан-санаан аастахха / Анна Винокурова // Мүрү саһарҕата.—
2020,— Ыам ыйын 7 к,—С. 7.

126