Page 205 - Курбуьахтар А5а дойду кемускэлигэр

рии буолан баран өлүүтэ-сүтүүтэ суох буолуо дуо? Биһиги өттүбүтүттэн
элбэх киһи суох буолбута...
Сэриигэ кылгас кэм устата сырыттарбын да, сэрии суоһун-суодалын,
алдьархайын, ынырыгын эппинэн-хааммынан уонна харахпынан корен
билбитим. Билбитим хайдахтаах курдук дьоннор өлөллөрүн, хайдахтаах
курдук куораттар, дэриэбинэлэр күл-көмөр буола умайбыттарын, үлтүрүй-
бүттэрин, хайдах курдук эйэлээх нэһилиэнньэ сордоммутун-муҥнаммы-
тын, онно-манна үүрүллүбүтүн... Сэрии бары алдьархайдарын көрбүтү
киһи сатаан ситэрэн кэпсээбэт».
Бу Синятино дэриэбинэ территориятыгар сэриилэһэ сылдьан сэтин-
ньи 17 күнүгэр хаҥас илиитигэр улаханнык бааһыран госпитальга сытан
эмтэммит. Ол кэнниттэн врачебнай комиссия түмүгүнэн сэриилэһэр кыаҕа
суох диэн 1942 сыл муус устар ыйга дойдутугар төттөрү атаарбыттар.
Дойдутугар кэлэн араас салайар үлэҕэ үлэлээбит, сэрии кэнниттэн но-
руот хаһаайыстыбатын, социальнай эйгэни чөлүгэр түһэриигэ актыыбы-
найдык кыттыбыт. Партийнай тэрилтэ сэкирэтээринэн, холкуос биригэ-
дьииринэн, Дүпсүн нэһилиэгин Сэбиэтин бэрэссэдээтэлинэн солбуйааччы-
нан, культура тэрилтэтигэр.
Аҕа дойду сэриитин II истиэпэннээх уордьанынан, «Хорсунун иһин»,
«Москва оборонатын иһин», «Германияны кыайыы иһин», «1941-1945 сс.
Аҕа дойду Улуу сэриитигэр килбиэннээх үлэтин иһин» уонна Кыайыы
үбүлүөйүнэй мэтээллэринэн наҕараадаламмыт.
Кэргэнэ Софья Андреевна Бочкаревалыын 5 уол, 2 кыыс оҕоломмуттар.
Иван Романович олоҕун оҕолоро, сиэннэрэ, хос сиэннэрэ уһун үйэлэргэ
салгыыллар.
Москва көмүскэлигэр бастакы уоттаах сэриигэ сылдьыбыт кырдьаҕас
буойун, коммунист 81 сааһыгар сылдьан, 1992 сыллаахха олохтон туораа-
быт.

Васильев, Ф. Столица көмүскэлигэр / Ф.Васильев // Ленинской тэрийээччи,—
1975,— Кулун тутар 22 к.
Пестряков, Н. Курбуһахтар Москва көмүскэлигэр / Н. Пестряков // Ленинской тэ­
рийээччи.—1991.— Муус устар 4 к.
Ховрова, М. «Мүрүм, Эйиэхэ тыыннаах эргилинним...» / Марфа Ховрова // Мүрү
саһарҕата,— 2025,— Ыам ыйын 7 к,- С. 5.

187