Page 206 - Курбуьахтар А5а дойду кемускэлигэр

:.1

Курбуһахтар дойду колщскэлагэр

КЫАЙЫЫ!
ХОВРОВ КСЕНОФОНТ ЕВСЕЕВИЧ
(1906-1942)
1906 сыллахха I Курбуһах нэһилиэгэр Ньүөкү-
нүгэ төрөөбүт. Сэрии иннинэ оройуоҥҥа саҥа МТС
тэриллиитигэр тырахтарыыстаабыт. Онтон рай-
союзка атыылааччынан, ыскылаат сэбиэдиссэйинэн
үлэлээбит.
1941 сыл от ыйын 10 күнүгэр Чурапчы оройуонун
байыаннай комиссариатынан ыҥырыллан сэриигэ
барбыт. 153-с стрелковай дивизия 557-с стрелковай
полкатын састаабыгар киирэн сэриилэспит. 1941 —
1942 сылларга Москва таһыгар сэриилэспит, үстэ
бааһыран госпитальга эмтэммит. Сэриигэ төрдүс
киириитигэр 1942 сыл от ыйыгар сураҕа суох сүппүтүн туһунан биллэрии
кэлбит.

Уоттаах сэрии сылларыгар / Уус Алдан улууһун дьаһалтата. — Бороҕон, 1995. — С. 43.

ЧУДИНОВ СЕМЕН ВАСИЛЬЕВИЧ

(1919-1944)
1919 сыллаахха II Курбуһах нэһилиэгэр Илин Сараах сиригэр Дьыр-
баҥҥа Чудинов Василий уонна Аммосова Агафья Петровна дьиэ кэргэннэ-
ригэр төрөөбүт.
Ийэлээх аҕата иккиэн утуу-субуу өлөннөр, икки бииргэ төрөөбүт уолат-
тар Толоон Эбэҕэ ийэлэрэ Аммосова Агафья быраатыгар Аммосов Бүөтүч-
чээҥҥэ «Чөрөкөнөҕө» тахсан олорбуттар. Сэмэн оскуолаҕа үөрэммит, «То­
лоон Эбэ» холкуоска араас үлэҕэ үлэлээбит. Убайа Бүөтүр ыалдьан өлбүт.
1942 сыллаахха Федор Николаевич Бурнашевтуун бииргэ Чурапчы
оройуонун байыаннай комиссариатынан ыҥырыллан сэриигэ барбыттар.
Дьокуускай куоракка тырахтарыыстар куурустарыгар үөрэнэ сылдьар Ам­
мосов Тимофей Гаврильевиһы көрсүбүттэр. Ити биир дойдулааҕын кытта
бүтэһик көрсүһүүтэ эбит.
Семен Читинскэй уобалас Сретенск куоратыгар 41 стрелковай дивизия
67-с стрелковай полкатыгар сулууспалаабыт. 1944 сыллаахха улаханнык
бааһыран Казань куорат госпиталыгар эмтэнэ сытан тохсунньу 5 күнүгэр
өлбүт. Казань куоракка көмүллүбүт.

Костромина Е. И. Толоон Эбэ / Костромина Е. И, — Дьокуускай, 2010, — С. 38-39.
188