Page 41 - Курбуьахтар А5а дойду кемускэлигэр

Ким да умнуллубат, туох да умнуллубат!

АММОСОВ НИКОЛАЙ АФАНАСЬЕВИЧ II
(1915-1942)

1915 сыллаахха I Курбуһах нэһилиэгэр Чараҥ диэн сиргэ тоҕус оҕолоох
Афанасий Филиппович уонна Мария Петровна Аммосовтар дьиэ кэргэннэ-
ригэр төрөөбүт. Сэрии иннинэ «Кыһыл хардыы» холкуоска от-мас үлэтигэр
үлэлээбит.
1941 сыл атырдьах ыйын 12 күнүгэр Чурапчы оройуонун байыан-
най комиссариатынан сэриигэ ыҥырыллыбыт. 348 стрелковай дивизия
1172 стрелковай полкатыгар сулууспалыы сылдьан 1942 сыл олунньу
12 күнүгэр Москва иһин кыргыһыыга геройдуу охтубут. Тверской уобалас
Ржевскай оройуонун Кокошкино дэриэбинэтигэр көмүллүбүт. Кэргэн ыл-
бакка сылдьан сэриигэ өлбүт.

Уоттаах сэрии сылларыгар / Уус Алдан улууһун дьаһалтата. — Бороҕон, 1995. — С. 43.

АММОСОВ НИКОЛАЙ ИВАНОВИЧ
(1918-1944)

1918 сыллаахха II Курбуһах нэһилиэгэр төрөөбүт. Кини эбэтэ Аммосова
Февронья Николаевна Чурапчы оройуонугар Алаҕар нэһилиэгэр төрөөбүт.
Курбуһахха Аммосов Иван (Лоһой уола) диэн соҕуруу үрэххэ олохтоох
киһиэхэ кэргэн тахсан Өлөҥнөөххө, Хамыдалга олохсуйбут. Кини төрөп-
пүт кыыһа Чурапчы Бахсытыттан төрүттээх Барашков Семен Лукичка кэр-
гэн баран 1 уол оҕону төрөппүт, уола олох кыратыгар ыалдьан өлбүт. Онон
эбэтэ Февронья Николаевна сиэнин Николайы аннынан суруттаран, төрөп-
пүт оҕотун курдук ииппит.
Сэрии иннинэ Бурнашева Евдокия Петровнаны кэргэн ылан, кыыстаах
уол оҕоломмуттар. Оҕолор сэрии ыар кэмигэр ыалдьан өлбүттэр.
Аҕа дойду Улуу сэриитигэр 1942 сыл атырдьах ыйын 20 күнүгэр Чу-
рапчы оройуонун байыаннай комиссариатынан ыҥырыллан убайа Василий
Ивановичтыын бииргэ барбыттар. 48-с аармыйа 18-с стрелковай полкатын
састаабыгар киирэн сэриилэспит. Фронтан биирдэ сурук ыыппыт, онно
икки тарбаҕын мэлиттэрбитэ үтүөрэн сэриигэ хаттаан киириэхтээҕин туһу-
нан суруйбут.
1944 сыл муус устар ыйга сэрии толоонугар охтубут. Көмүллүбүт сирэ
биллибэт.

Уоттаах сэрии сылларыгар / Уус Алдан улууһун дьаһалтата. — Бороҕон, 1995. — С. 43.
39