Page 44 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ НИКОЛАЙ НИКИТИЧ
(1905-1944)

1905 сыллаахха II Курбуһах нэһилиэгэр Энньэ-
кэйгэ төрөөбүт. Үрдүк уҥуохтаах, күүстээх көрүҥ-
нээх, бары үлэҕэ барытыгар дьоҕурдаах үтүөкэн
үлэһит киһи этэ. Кини бастыҥ от оҕустарааччы, ту-
тааччы, үчүгэй мас ууһа эбит.
1940 сыллаахха Бороҕоҥҥо райпромкомбинаты
тэрийиигэ «Октябрь» холкуостан талыллан үлэлии
киирбит. Биир сыл үлэлээбитин кэннэ сэрии саҕа-
ламмыт. Кини тута, 1941 сыллаахха, фроҥҥа барар
бэбиэскэни туппут. Николай Никитич дойдутугар
тахсан дьонун-сэргэтин, төрөөбүт сирин-уотун кыт-
та бырастыылаһан барбыт.
Арҕааҥҥы фроҥҥа сэриилэһэ сылдьан 1944 сыллаахха өлбүт. Көмүл-
лүбүт сирэ биллибэт.

Хаарыан сайылыкпыт Халарык Толооно : сырдык ааттар, ыра санаалар. — Дьо-
куускай, 2020.— С. 53.

АММОСОВ ПАВЕЛ МИХАЙЛОВИЧ
(1917-1942)

1917 сыллаахха II Курбуһах нэһилиэгэр Хамыдалга Михаил Семенович
уонна Варвара Александровна Аммосовтар дьиэ кэргэннэригэр төрөөбүт.
«Октябрь» холкуоска биригэдьииринэн, бэрэссэдээтэлинэн үлэлээбит. Сэ-
рии иннинэ Бурнашева Матрена Петровнаны кэргэн ылан Мария, Павел
диэн оҕоломмуттар.
1941 сыл атырдьах ыйыгар II Курбуһахтан бастакынан Чурапчы оройуо-
нун байыаннай комиссариатынан ыҥырыллан фроҥҥа барбыт. 582 №-дээх
байыаннай чаас 363 №-дээх дивизия 1205 №-дээх стрелковай полкаҕа сулуус-
палаабыт. Павел Михайлович Москва куорат оборонатын кыттыылааҕа. Бу
кыргыһыыга 1942 сыл ыам ыйын 22 күнүгэр ыараханнык бааһыран Семашко
аатынан госпитальга киирэн 1942 сыл ыам ыйын 24 күнүгэр өлбүт. Көмүс
уҥуоҕа Москва куорат Преображенскай кылабыыһатыгар көмүллэн сытар.
Хорсун буойун олоҕун 2 төрөппүт оҕолоруттан хаалбыт сиэннэрэ уонна
хос сиэннэрэ салгыыллар.

42