Page 46 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ ПЕТР ПЕТРОВИЧ
(1915-1985)

1915 сыллаахха II Курбуһах нэһилиэгэр Эн-
ньэкэйгэ Петр уонна Варвара Аммосовтар дьиэ кэр-
гэннэригэр төрөөбүт. Бииргэ төрөөбүт иккиэлэр.
Петр эрдэ тулаайах хаалан, абаҕатыгар Дьөгүөр
Аммосовка иитиллибит. Бахсы начальнай оскуо-
латыгар, салгыы Мүрүгэ үөрэммит. Сэрии иннинэ
Аммаҕа райкомол иккис сэкирэтээринэн үлэлээбит.
1941 сыл балаҕан ыйын 3 күнүгэр Аҕа дойду
сэриитигэр тылланан барбыт. Забайкальскай ба-
йыаннай уокурукка Сретенскэйдээҕи байыаннай
пехотнай училищеҕа бэлэмнэнии үөрэҕин ааспыт.
Илиҥҥи кыраныыссаҕа сулууспалаабыт. Старшай лейтенант званиелаах
Японияны утары сэриигэ 103 №-дээх стрелковай дивизия 688 №-дээх
стрелковай полкатыгар минометнай взвод командирынан сылдьыбыт.
Аармыйаттан 1946 сыл от ыйын 4 күнүгэр демобилизацияланан кэлбит
уонна Уус Алдан оройуонугар райсовет исполкомун сэкирэтээринэн, рай­
ком инструкторынан, Бороҕон нэһилиэгин Сэбиэтин исполкомун бэрэс-
сэдээтэлинэн үлэлээбит, Мүрү, Бороҕон нэһилиэктэрин народнай депута-
тынан талыллыбыт.
Суруйар идэҕэ дьоҕурдаах буолан улуус хаһыатыгар өр сылларга үлэ-
лээбит. Ол курдук, «Ленинскэй тэрийээччи» хаһыакка 1947-1948 сылларга
эппиэттиир сэкирэтээринэн, 1958-1962 уонна 1965-1968 сылларга хаһыат
эрэдээктэринэн, олохтоох араадьыйа эрэдээктэринэн үлэлээбитэ.
1985 сыл от ыйын 5 күнүгэр бочуоттаах сынньалаҥҥа олорон ыалдьан
өлбүт. Кини олоҕун оҕолоро, сиэннэрэ, хос сиэннэрэ салгыыллар.
Петр Петрович Аҕа дойду сэриитин II истиэпэннээх уордьанынан,
«Японияны кыайыы иһин», «1941-1945 сс. Аҕа дойду Улуу сэриитигэр
килбиэннээх үлэтин иһин» мэтээллэринэн уонна Кыайыы үбүлүөйүнэй мэ-
тээллэринэн наҕараадаламмыта.

Иванов, И.Ф. Офицеры-якутяне — участники Великой Отечественной войны
1941-1945 гг. : (биографические справки) / И.Ф. Иванов.— Якутск, 1995.— С. 8.
***
Сыроватскай, И. Сэттэ уон сыллаах улахан олук (1935-2005) : [«Мүрү саһарҕата»
70 сылыгар] / И. Сыроватскай.— Бороҕон.— 2005.— С. 11.

44