Page 31 - Сахаайа Ермолаева Күөрэгэйим ыллаата
P. 31
13 Үчүгэйтэн — күлүктээҕин,
Куһаҕантан — сырдыктааҕын
Булар мындыр дьоҕурдаахтар, —
Дьону таба сыаналыыллар.
14 Чаҕылыс гыммыт хоһооммор
Чыычаах буолан көтөбүн.
Ол кэмҥэ поэзия кэрэтин
Ордук үрдэтэн өйдүүбүн.
Оччоҕо — дьон барыта үчүгэй!
Олоҕум — наар ыллыыр күөрэгэй!
15 Баһааҕырдар ырытааччылар, —
Былыттаах сарьталлар.
Көнө сыанаһыттар, —
Күннээх саһарҕалар.
Кинилэр иккиэн туһалыыллар:
Киммин чуолкайдыырбар туһулууллар.
16 Сааһырбыт дьон тус-бас
Саҥаларын дьиктитэ, —
Ыраас күһүҥҥү түүн
Ыйдаҥатын кэриэтэ.
17 Араадьыйаҕа мэлдьи этэллэр:
"Айыы киһитэ, саҥа үүммүт күҥҥэ
Айыы суолун тутус!.." — дииллэр.
Итини барытын сөбүлүүбүн
Итиэннэ ыйытабын:
"Көнө-мааны атаҕастанар,
Көлдьүн-албын арбаныллар,
Түөкүн-сүүлүк өрө тутуллар
Түгэнигэр хайыыбытый?"
18 Эйэргиир сулустары одуулуубун
Эдэр киһи хараҕыныы.
29
