Page 35 - Сахаайа Ермолаева Күөрэгэйим ыллаата

Арай кинини эрэнэн,
Айаммын салгыырым дуу?

Туолбат да баҕа санаа
Тохтуурдааҕар быдан ордук.

29 Бары баар мырааннар, алаастар
Бар дьонум, сахалар курдуктар:
Түһүүлээх-тахсыылаах сыырдаахтар,
Туптэлиин ураты сыттаахтар.

Бэйиэттэр даҕаны оннуктар:
Бииртэн биир туспалаах суоллаахтар.
Ылааҥы хоһооннор — алаастар,
Ырыалар — мырааннар курдуктар.

Чуумпурбут көлүччэ түүҥнүтэ —
Толкуйдуур бэйиэтим хараҕа.
Тыа быыһын ыйдаҥа киистэтэ —
Тапталын кистэлэҥ иэйиитэ.

:К) Бэйиэт — настарыанньа:
Уларыйар — чааска уонна.
Санаа хаарчаҕыттан тахсаары,
Дьоһөгөй Айыытыныы быыппастар.

.11 Сайаҕас Өлүөнэм долгуннара —
Сахам дьонун санаалара:
Үрдүккэ, үтүөҕэ тардыстар
Үрүҥ Уолан, Туйаарыма курдуктар.

Өлүөнэбин — норуоппун таптыыбын.
Мин кини биир кыра долгунабын.

Дириҥнээҕэр чычаас да буолларбын,
Дьиктилээхпин — күҥҥэ чугаспын.

I п 33