Page 34 - Сахаайа Ермолаева Күөрэгэйим ыллаата

Уус тылларынан биһирэтэр,
Оҕолорун дьоҥҥо ииттэрэр
Улдьаа дьоннор курдуктар.

Сириллэртэн — үчүгэйин,
Арбыыртан — итэҕэһин
Тоҕо кырдьыгынан эппэппит?

26 Сандал сааһы саҕалыыр,
Сандаара сырдаан чурулуур
Эриэккэс үрүҥ туллуктар
Элэккэй дьону санаталлар.

Кинилэрдии иэйиинэн тырыбынайан
Лирическэй хоһоон өйгө киирэр.

27 "Олох — мунурун булларбат
Муора", — дииллэр дьоннор.

Итини истэ-истэбин,
Испэр аа-дьуо мөккүһэбин:
"Аны акыйааны да тургутар —
Аппарааттар, прибордар айылыннылар".
Ол аата — олох муоратааҕар
Дириҥ эбит буоллаҕа.

28 "Үлүннэрэн хайгыыртан
Үрүллүбүт хабахтыы,
Үллэн-үллэн бараҥнын
Хайа барыаҥ!' — дэһэллэр.

"Хараардан сирэртэн
Харбыйбыт хаамыра
Ханыыта буолаҥҥын,
Хараастыаҥ!" — дэһэллэр.
"Билигин ыксаама:
Биэринэй сыанаһыт —
Бириэмэ!" — дэһэллэр.

32