Page 40 - Сахаайа Ермолаева Күөрэгэйим ыллаата
P. 40
Арааһа, киһи тулуура
Атаҕастабылтан чыҥкыныыр.
Ситэн-хотон, дьулуура
Сэнэбилтэн лыҥкыныыр.
Туругуруҥ, дьону дьоллуур
Тулуур уонна дьулуур!
45 Поэзия муоратыгар
Туртаҥнаһан туналыйар
Парустарга көҕүйбэппин...
Тэҥнэспэппин, билинэбин.
Кырыа хаардаах тоҥ тайҕабар
Кыһыннары ыллыыр-туойар
Кыһыл түостээх ымыыларбар
Сүгүрүйэн дьоллонобун,
Сүрбүн-куппун угуттуубун.
46 Ыыстаһаат, дьоннор үохсэллэр:
"Ыттыйбыккын!.." — дэһэллэр.
Онтон мин мунаарабын,
Ол иһин ыйытабын:
"Ыттар, бөх аһын былдьаһан,
Охсустахтарына да —
Өлорсүбэттэр.
Дьоннор, харчыны былдьаһан,
Охсустахтарына —
Өлорсоллор.
Оччоҕо —
"Киһи ыттыйыыта",
"Ыт киһитийиитэ" диэн
Эбэн этэр хайдах буолуой?!
38
