Page 38 - Сахаайа Ермолаева Күөрэгэйим ыллаата
P. 38
Ити икки өйдобүл быыһыгар
Мин — саарабыл курдукпун.
Саарааһынтан чуолкайдааһыҥҥа
Саҕалаатым дьулуһуубун.
40 Дьоннор — погода курдуктар,
Хонук ахсын уларыйаллар.
Биир күн — чаҕылхай сулустар,
Иккис күн — барыарбыт былыттар.
Бу маны хайгыыллар — элбэхтэр:
"Биир көстүү салгытар", — дииллэр.
Бээрэ, оччоҕо биир таптал бигэ дуу?
Биэс таптал ордук дуу?
41 Мин санаа кыҥкыйдыыр кыыһабын:
Былыкка сарыаллыы кыыһабын.
Таптыыбын Өлүөнэ эбэбин:
Киниттэн эрэлбин эбэбин.
Дьэ, баҕар, сүһүөҕүм ырыаҕа
Дьиэрэйэн күүһүрүом ырыаҕа.
Түрбүөннээх олоххо дьүөрэбин:
Торүотүн хаһабын — түөрэбин.
Тургута көрөбүн тулабын:
Туох эрэ кэрэни булабын.
Түмэммин тобобөр хаайабын:
Тулууру, дьулууру таайабын.
Торөөбүт тылбын мин таптыыбын,
Кининэн хоһооммун аптыыбын.
36
