Page 37 - Сахаайа Ермолаева Күөрэгэйим ыллаата

"Аҕалара, оҕолоро"
Тургеневы түҥнэрдилэр.
Масыанньыктар — сорохторо,
Атыттара — түокүттэр...

Аччыгыйдар — маньяктар,
Арыгыһыттар, наркоманнар...

Саха оҕолоро ону үтүктэллэр:
Сахалыы чиэһи сүтэрэллэр..."

«> Эбээлэрим эмээхситтэр
Эҕэлээхтик сипсиһэллэр:
"Эрэкэлээмэ үксээтэ,
Эрэдэбиэй үрдээтэ..."

17 Үчүгэйи саныыр эдьиийдэр
Үгүстүк миэхэ сүбэлииллэр:
"Аҕыйахтык саҥар,
Элбэхтик оҥор!" — дииллэр.

Итини ситэри толордорбун,
Этиэм этэ: "Үлэттэн дьоллонобун!"

Ш Бүппэт мөккүор муоратыгар
Мүккүллэбин, буккуллабын.
Саҥа сабыдыал куоратыгар
Сахсыллабын, мускуллабын.
Арыт — күнүскү холорукпун,
Арыт — түүҥҥү чуумпубун.

Сайа тыынан үүнүо дуо — сайдам,
Сардаҥалаах сарсыардам ?..

19 Бүгүҥҥү бу баарбынан,
Мин — кырдьык курдукпун.
Сарсын туох күүтэрин билбэппинэн,
Мин — сымыйа курдукпун.
Г 35