Page 145 - Агабыт туьунан иьирэх тылынан
P. 145
чествоны - тарҕатыы, бэйэтэ эппитинии, тыа сиригэр илии
ыарахан үлэтин чэпчэтии төһүү күүһүнэн буолбута.
Айылҕаттан аналын толорон, сэттэ оҕону төрөтөн, элбэх
сиэннэнэн утумун салгыыр хаан удьуордара тэнийэ туруох-
тара. Кини үлэҕэ, олоххо ситиһиилэригэр ийэбит Аграфена
Власьевна көмөтө, сүбэтэ-амата, олоххо таптала муҥура суо-
ҕа чуолкай. Онон күндү дьоммутун кэнэҕэски ыччат мэлдьи-
тин ахта-саныы, кэриэстии сылдьыахтара диэн бүк эрэнэбин!
Аҕабыт оҕо эрдэҕиттэн эбэтин Евдокия Ивановна Ушницкая
кэпсээннэрин, үһүйээннэрин истэ улаатан, саха фольклорун,
саха омук историятын бэркэ интэриэһиргээн сурукка тиһэр
буолбута. Армияҕа барыан инниттэн хоһоон суруйар, кыра-
тык тылбаастыыр дьарыктаммыта. Бу кинигэҕэ хоһооннорун,
номохтору суруммутун, ахтыыларын сороҕун киллэрдибит.
Манна бэлиэтээн этиэххэ наада, төрүччүгэ кыра сыыһа-халты
тахсыбыт буолуон сөп. С. Новгородов уонна аҕабыт оҥорбут Уй-
баныаптар төрүччүлэригэр кыра араастаһыы баар.
Бары ахтыы суруйбут аймахтарга, төрөөбүт улууһум «Мү-
рү саһарҕата» редакция коллективыгар улахан махталбын
тиэрдэбин!
Уола Иннокентий ИВАНОВ,
Уус Алдан улууһун уонна Байаҕантай нэһилиэгин
бочуоттаах олохтооҕо,
Саха Өрөспүүбүлүкэтин муниципальнай сулууспатын туйгуна,
бэтэрээнэ
143
