Page 140 - Агабыт туьунан иьирэх тылынан

Аймахтарым Ивановтар
Миигин ийэм ыал буолан, Өнөргө
олорон төрөппүт. Кырабыттан аҕабынан
эбэм Барыскыай Өнөртөн Көскөө аҕа ууһун
кыыһа буоларын билэр этим. Бу эбэм Уһун
Күөл Хайыыка диэн киэҥ-куоҥ мааны
алааһын куулатыгар Гуляев Борокуопай-
га эргэ баран, балаҕан туттан олорбуттар.
Ол эрээри улахан оҕото, мин аҕам, 9 эрэ
саастааҕар, кэргэнэ өлөн, үс оҕотунаан ог-
дообо хаалбыт. Онно Маппый Өнөртөн кэ-
лэн биир сыл кыстаспыт диэн истэрим.
Аҕам бу алааһыгар сайын буоллар эрэ
оттуубун диэн ааттаан балаакканан баран олороро, өтөҕүн тула-
тын ыраастыыра, күөлүгэр илимниирэ. Ийэбит сир аһын хомуйа-
ра. Өнөр сайылыгын саҥата-иҥэтэ иһиллэр буолара. «Урал» мото-
цикылынан урукку хаалбыт суолларынан, алаастарынан быһыта
түһэн сылдьара, охтубут мастары туоратарыгар сүгэлээх буолара.
Кыайа-хото сырыылаах Аана эбэтин санаан ааһааччы. «Ыам-
нар икки ардыларыгар ыаллыы алааска кыыһыгар, Бөрөлөөх ыал-
ларыгар баран кэлэр этэ», - диирэ. Бу урукку омоох суолларынан
кэрэ айылҕа быыһынан айаннаатахпытына, мин өбүгэлэрим бу
манан тиэһиннэхтэрэ дии саныырым. Оҕо сааһым өйдөбүлүгэр
кэрэ көстүү буолан олорон хаалбыт.
1966-1967 үөрэх дьылыгар Тулунаҕа 1-кы кылааска үөрэмми-
тим. Аҕам - учаастак биригэдьиирэ, ийэм оскуола завуһа этилэр.
Биһиги биллэр хайыһардьыт Егор Габышев дьиэтигэр кыстаабып-
пыт. Кини дьиэтэ халдьаайы сыырын аннынан баара. Сайын кэ-
лиитэ ити сыырбытын дабайан аҕабынаан «одинарка» мотоцикл-
бытынан эмиэ оспут суолунан, алаастарынан бастакыбын Өнөргө
айаннаабыппыт. Оччолорго Уйбааскы оҕолоруттан Атыылааччы
Хабырыыс, суоппар Ньукулай, эдьиийдэрэ Мааппа ыаллар баал-
лара уонна Баһылай Ньукулайдаахха олороро. Биһиги Хабырыыс-
таахха хоммуппут. Үс ыалынан оҕо-уруу элбэх этэ.
Төрдүһү бүтэриибэр аҕам үс кыыһын «Урал» мотоциклыгар
олордон эмиэ анаан Өнөргө күүлэйдии барбыппыт. Түрү диэн
алааска, Уйбааскы өтөҕө буоллаҕа буолуо, элбэх буолан чэйдээн,
оонньоон кэлбиппит. Ньукулай Мааркабыс кэргэнэ оҕолорунаан,
Борис Мааркабыс Наташата, Раиса Ревовна Готовцева ийэтинээн
баалларын өйдүүбүн.
Кэптэнигэ айан аартыгар олорор буоламмыт, Хабырыыс

138