Page 141 - Агабыт туьунан иьирэх тылынан

табаарын таһарыгар, Ньукулай бензовоһунан таарыйан ааһар буо-
лаллара. Күө-дьаа кэпсээннээх, мин көрүүбэр, бөдөҥ дьон этилэр.
Хабырыыс оҕолоро Морууса, Ваня оскуолаҕа үөрэнэр эрдэхтэринэ
почтанан суруйсаллара.
Оҕо эрдэхпиттэн фотоальбомҥа биир ыал хаартыскатын
көрөр этим. «Кимнээҕий?» диэн ыйыттахпына, аҕам: «Мин аймах-
тарым», - диирэ. Ол хаартыскаҕа эдэрчи ийэлээх аҕаларын кытта
куудара баттахтаах кырачаан кыраһыабайкаан оҕолор түһүспүт-
тэр этэ, хастарын өйдөөбөппүн. Кэнники билбитим - Ньукулай
Матвеевич дьиэ кэргэнэ эбитин. Ол оҕолор араас идэлээх дьон
буолан, билигин бэйэлэрэ «эбээ, эһээ» дэтэллэр.
Бүлүү училищетын кэнниттэн Тандаҕа пионербаһаатайынан
барар буолбутум. Бороҕоҥҥо нэдиэлэни быһа манаһан, күһүҥҥү
бадарааҥҥа танкерга дьэ миэстэҕэ тиксэн айаннаабытым. Аҕам:
«Онно аймахтаахпын», - диэн эппитэ. Ол гынан Тандаҕа иккилии
учуутал кыыһы ыалга олорор гына кэпсэппиттэр.
Пионерскай хос Г. Егоров туттарбыт интернатын дьиэтигэр
баар эбит. Ол дьиэҕэ кыра кылаастары кытта НВП уонна тракто­
роведение кабинеттарыгар үрдүкү кылаастар кэлэн үөрэнэллэрэ.
Коля, Кеша Ивановтар выпускной кылаас этилэр. Коля мин үлэҕэ
ананан кэлэрбин истибит уонна аймахтыы буоларбытын билэр
буолан, бэрт сотору кэлэн билсибитэ, пионерскай хоско куруу-
тун таарыйан кэпсэтэн ааһара. Ивановтар икки улахан оҕолоро
оскуоланы бүтэрбиттэр этэ, Аня фермаҕа үлэлиирэ. Муся - 7-с,
Миша 4-с кылаастарга үөрэнэллэрэ. Бу ыал оҕолоро бары төрөп-
пүттэрин курдук сэмэй, сайаҕас, ыраас туттуулаах дьон уонна
уруһуйдуур, айар-оҥорор дьоҕурдаахтар. Ньукулай оскуола төрөп-
пүттэрин мунньаҕар сылдьар аҕалартан биирдэстэрэ этэ.
Оҕолорум кыраларыгар аҕам Тандаҕа кыһыҥҥы тымныы-
ларга быстах кэлэн олорсор этэ. Кини аймаҕар Ньукулайга баран
сэлэһэн кэлээччи. Ньукулай биирдэ эмит миэхэ таарыйааччы.
Аҕам Кэптэнитигэр төннөрүгэр хайаан да санатааччы: «Ньуку-
лай сырыттаҕына, кыһылла кутан биэрэр буолаар», - диэн. Оҕо
эрдэхпиттэн ыалдьыт кэллэҕинэ оннук маанылыылларын көрөр
этим.
Тыа сирин биир сэмэй ыалын ийэтэ Арыппыас сэттэ оҕону
төрөтөн, үлэһит дьон оҥортоон, аҕалара Ньукулай Советскай ар­
мия кэккэтигэр сулууспалаан, оройуоҥҥа бастакы электриктэртэн
биирдэрэ буолан, оччотооҕу дьон сиэринэн үлэлээн-хамсаан,
сирдээҕи аналларын толорон аастахтара. Кинилэри солбуйар
сиэн оҕо билигин элбэх.
Ньукулай төрүттэрин быһааран суруйбут суругуттан билигин
139