Page 142 - Агабыт туьунан иьирэх тылынан

сорох аймахтарбын дьэ чуолкайдыыбын. Эбэм бииргэ төрөөбүт
эдьиийэ I Маайа кыыһа Варвара Кэптэнигэ ииппит кыыһыгар
олорбута. Кини биһиэхэ ыалдьыттаан сылдьара. Оттон II Маайа
кыыһа Улахан Маайа Сиэгэн Күөлгэ Кривошапкиннарга кийиит
буолан олорбута. Күтүөт Лэгэнтэй булчут киһи эбит. Кини түүлүгэр
үрүҥ табаны эккирэтэн, илэ Өнөртөн бу биһиги эдьиийбитин сү-
гүннэрэн барбытын остуоруйа курдук истэр этим. Кинилэр улахан
уоллара Володя Кэбээйиттэн Кэптэнигэ биһиэхэ олорон 9-10 кы-
лаастарга үөрэммитэ. Оттон Аччыгый Маайа ыаллыы Уһун Күөлгэ
олорбут буолан, кини оҕолоро Кэптэнигэ биһиэхэ кыстыыллара,
сорохторо интернат аһыллыар диэри олороллор этэ. Аҕам Уһун
Күөлгэ бастакы туттубут дьиэтин элбэх оҕолоох балтыгар Маайаҕа
биэрбитэ. Онон Ивановтартан саамай билсибит дьоммут Домотов-
тар этилэр. Борис Мааркабыстаахха биирдэ эмит сылдьарбыт.
Эбэм бииргэ төрөөбүтэ Өппүүнньэ буоларын саҥа чуолкай-
даатым. Оҕо сылдьан кинилэр туһунан истэр этим. Кини комсо­
молец уола Бүөтүрү, сарсыныгар куоракка мунньахха барыахтаах
киһини, түүн аҕата Силиптиин утуйа сыттахтарына сүгэнэн өлөр-
бүттэрин туһунан. Ити туһунан ким эрэ айымньытыгар суруллу-
бутун аахпыт курдук өйдүүбүн. Аҕабыт биһиэхэ аймахтарын, сэ-
риигэ сылдьыбытын, үлэтин-хамнаһын туһунан анаан оҥостон
олорон олох кэпсээбэтэх эбит билигин өйдөөтөххө.
Аҕам төһө да үөрэҕэ суох ыалга төрөөтөр, бэйэтин баҕатынан,
кыһамньытынан Дүпсүн сэттэ кылаастаах оскуолатын бүтэрэн,
рабфакка, колхознай оскуолаҕа үөрэммит, ааҕар балаҕан, ком­
сомол үлэлэригэр кыттыспыт, икки төгүллээн Аҕа дойду Улуу
сэриитигэр ыҥырыллан сылдьыбыт, эйэлээх олоххо холкуос,
сопхуос, нэһилиэк салайар үлэлэрин толорбута, партия, профсоюз
активиһа этэ.
Кини ийэтэ Барыскыай сэрии кэмигэр сукка аччыктааһын-
тан өлбүт. Ыар олох Уһун Күөлгэ элбэх киһини сотон ааспыт. Оттон
балтылара Өлөөнө Өлөксөөстүүн дьааһыла аспыттарыгар онно
үлэлээбиттэрин, оҕолору харайсыбыттарын туһунан оччотооҕу
оҕо махталлаах ахтыыта баара. Ол гынан Өлөөнө сэрии сылларын
туораабатах, ыалдьан өлбүт. Кинини аҕам куруутун ахтан ааһара.
Оттон аччыгый балта Өлөксөөс биһиэхэ олоро сылдьыбыта, кэлин
ыалдьан өлбүтэ.
Хас биирдии киһи олоҕо остуоруйалаах. Ону кэмигэр ыйып-
пакка, истибэккэ хаалбыппыт.

Балта Надежда Михайловна ГОТОВЦЕВА,
педагогическай үлэ, культура бэтэрээнэ
140