Page 61 - Агабыт туьунан иьирэх тылынан

Ол кэмнэр саҕана
Омук сиригэр Ийэ сир эрэнэн утаарбыта:
Эйэ, көҥүл көмүскэлигэр -
Доҕордуу дойдуга атаарбыта.
Оо, онно сир ийэ дьигиһийэрэ
Уордаах охсуһуу ньиргиэриттэн,
Саллаат сүрэҕэ кэлэйэрэ
Кырыктаах сэрии сидьиҥиттэн.
Мин эмиэ өстөөҕү өһөрсүһэр
Өһүөннээх өйүнэн умайбытым,
Муҥнаммыт бар дьону өрүсүһэр
Өрөгөйдөөх иэйиинэн кыынньыбытым.
Ол иһин өлөртөн чаҕыйбакка,
Кутааттан төттөрү чугуйбакка
Умайар уокка да киирэрим,
Дьалкыйар далайга да түһэрим.
Харылыы бааллырар өрүстэри
Харбаан тыын быста уҥуордуурум,
Ол уҥуор быстыбыт сибээстэри
Быарбынан сыылан оҥортуурум.
Кытыастар суос кутаа ортотунан
Умайар дьиэлэргэ сыылбытым,
Ыйылас оскуолка быыһынан
Оҕону, саллааты таспытым.

Өстөөх буомбаһыт самолетун
Хардары ытыалаан сайыалаһарым,
Тэргэн ньиргитэр көй уотун
Кутаатынан куттаан кыйдаһарым.
Ол бары өҥөбүн сыаналаан
Ийэ дойдум махтал биэрбитэ,
Үтүөҥ иһин диэн хардалаан
Түөспэр наҕараада иилбитэ.
Өстөөҕү төттөрү үүрсэммин
Чиэс, бочуот бөҕөнү сүгэммин
Икки сыл эриллэн,
Кэлбитим дойдубар эргиллэн.
Кэлээтин кимиилээх күрэххэ
Киирсиһэн кыттан барбытым:
Үлэлиир, үөрэнэр күргүөмҥэ
Сынньалаҥ билбэккэ сылдьыбытым.
Онтон ыччаты холкуоска
Ыҥырыыны ылыммыта сүрэҕим,
Туппутум бочуоттаах путевка,

59