Page 66 - Агабыт туьунан иьирэх тылынан

Өскөтүн билсиэҕи баҕардаргыт -
Билсиһиҥ мас көнө майгынан,
Билсиһиҥ доҕордуу туттаҥҥыт,
Сайаҕас, үтүө санаанан.
Хаһан мин көмө көрдүүрбэр
Көмөлөһүҥ ыраас сүрэххитинэн,
Миигиттэн эрэйэр кэмҥитигэр
Хардарыам үтүөнү үтүөнэн.
Миигин таспын быһыыбынан
Сыыһа буолуо, сыаналаамаҥ.
Сороҕор тоҥкуруун курдукпунан
Омнуолуу эмиэ санаамаҥ.

1963 сыл

Дьадаҥы
Бар дьоҥҥун босхолоон дьоллонуу
Сырдык суолугар сирдээбитин,
Сүүһүнэн
Хараҥа норуоккар доҕордоһуу
Кэрэ олоҕун түстээбитиҥ.
Ол улуу
Килбиэннээх эн үтүө үлэҕин
Биһиги ытыктаан ахтабыт,
Тэрийбит
Партияҥ марксискай үөрэҕин
Суолунан инники барабыт.
Барабыт
Коммунаҕа, уйгулаах байыыга
Күннэтэ күргүөмнээх үлэнэн,
Барабыт
Саҥаҕа, саҥалыы кыайыыга
Ахсымнык айар өй күүһүнэн.
Көттүбүт,
Бэл диэтэр, ол үөһэ халлааҥҥа
Дьиктилээх саҥаны айаммыт
Айылҕа кистэлин аһаммыт,
Тиийиэхпит
Сотору ол ыйга, Марска
Билиэхпит саҥаны аһаммыт
Саҥаттан саҥаны айаммыт.
Тиэрдиэхпит
Ол аспыт хас саҥа сирдэргэ
Эн өрөгөй күн ааккын,
Суруйуохпут
64