Page 62 - Агабыт туьунан иьирэх тылынан

Кэлбитим уонна дьэ бу тыаҕа.
Кэлэммин сатарыы ньирилиир
Трактор көлөҕө олордум,
Дьэргэлгэн соһуйа дьиримниир
Буолактарын тиэритэ мин уурдум.
Дулҕалаах үрэхтэр долгуйар,
Кырыылаах отторун хоруйдум,
Абытай уотунан сырайар
Куйааска хараара дьэ бустум.
Куугунуур, баараҕай тиит тыаҕа
Дьиэ маһа кэрдэн тиҥийдим,
Сүгэбэр киил чэгиэн укка
Ытыһым тириитин чэрдиттим.
Учаастак аайы урут суоҕу
Олохтоон олоххо киллэрдим:
Уулусса, ыал ахсын көй уоту -
Электро уоттарын дьэргэттим.
Таарыччы эттэххэ итиэннэ
Ыал буоллум манна дьиэ туттан
Оҕо-ыччат бөҕө эймэниэ
Сомсустум киһи дьолуттан.
Дьэ ити курдук мин олоҕум
Өксөйдө дабааннаах айан суолун.
Олорор улахан дьоллоннум
Охсуһуу, Дьол, Үлэ олоҕун.
Оттон инники да олоҕум
Үрдүккэ син куруук талаһыа,
Партия сирдээн олоҕум
Инники салаллар, салаллыа.
Партия саҥалыы турунан
Эйэни, уйгуну туругурда
Ахсаабат оргуйар уоҕунан
Дьүккүөрдээх үлэҕэ дьулуста.
Ол дьулуур миигин көҕүтэр
Уостубат күүһүнэн үлэлииргэ,
Эрчимнээх иэйиини көбүтэр
Үлэҕэ кыайыыттан инникигэ.
Ол иһин мин күүрэн айабын,
Үлэбэр биэрэбин сырабын,
Кыаттарбаты кыайыаҕы баҕарабын.
Үрдүккэ, инники талаһабын.
1963 сыл

60