Page 65 - Агабыт туьунан иьирэх тылынан

Тастыҥ ыалларбар
«Аһаспат-иһиспэт» диэн кырдьык
Ардыгар мөҕөргүт да буолуо,
«Тумна туттунар муус кырдьык
сыстыбыт...» дэһэргит да буолуо.
Аҕыйах саҥабыттан көнтөрүктүк
Көстөрүм даҕаны баар буолуо,
Кимиэхэ эмэ, баҕар, үгүстүк
Майгым да тоҥкуруун буолуо.
Доҕотторуом, миигин ол эрээри
Хаһан да ол онон сыаналаамаҥ,
«кини оннук... Билэбит...» дэһээри
Ахтыһар саҕана алҕаһаамаҥ.
Ис дьиҥэ миигин билбэккит,
Дууһабын, суох, отой билбэккит.
Таспынан эрэ эһи билэҕит,
Таспынан сыана биэрэҕит.
Итиэннэ кырдьыгы эттэххэ:
Киһини билэргэ эһиэхэ
Дьоҕургут суоҕа да сыттаҕа,
Билиигит да татым буоллаҕа.
Эһиэхэ, ыалларыам, ол иһин
Сэһэргиим, баҕар дьэ, бэйэбин.
Сыыһымаҥ мин туспун, кэбиһин,
Сыаналааҥ, көрүҥ дуу этэрбин.
Аһаҕас дууһалааҕы астынабын,
Сайаҕас сыһыаҥҥа амарахпын,
Чиэһинэй киһиэхэ айыыбын,
Өйдөөҕү, үтүөнү таптыыбын.
Олоххо биир сыаллаах олоробун:
Үлэҕэ дьонтон хаалбатарбын
Өрүүтүн үрдүккэ ытыннарбын.
Доҕотторум тэҥинэн олордорбун.
Кэлэйэбин мастыы албынтан,
Иҥсэттэн, хоптон, сымыйаттан,
Ааргы, куруубай быһыыттан
Доҕору умна улаатартан.
Доҕотторуом, сиэри үрдэтэбин
Суобаска-майгыга үөрэбин.
Кимтэн да буоллун: эрэйэбин
Үтүөнү, наар үтүөнү эрэ мин.

63