Page 9 - КУнду киьибитин

Ол оннугар биирдэ олорон ылбат үлэһит киһи этэ, булчутун ту-
һунан дьон сөҕөн кэпсиир буолара. Кыра эрдэхпитинэ сайын
наар кус сиир этибит, атын ас диэн лэппиэскэ буоллаҕа дии.
Кус үргүөхпүтүн сүрэҕэлдьээн аҕай биэрэр этибит. Күһүн буол-
ла да, куобах ампаары толору буолара. Оччолорго наар күрэтэн
бултууллар быһыылаах этэ. Саамай күүтэр кэмнэрэ дохуот үл-
лэстиитэ диэн, Быччыылыктан баран аттар сыарҕаларыгар эт-
ас бөҕөнү, сиэмэ, арыы тиэйэн аҕалар этэ. Аҕам миинэр аттара
наһаа өйдөөх, сымнаҕас буолар этилэр. Куруук кинилэри кытта
кэпсэтэ, үөрэтэ сылдьар этэ, ону хайдах эрэ өйдүүр курдукта-
ра. Ордук өйдөөн хаалбыт Тапталлаах диэн маҥан аппыт этэ.
Сайын итиигэ, ампаар күлүгэр баайыллан турдаҕына үрдүнэн,
аннынан сылдьар этибит, тыбыыран эрэ кэбиһэрэ, ытырбат да,
тэппэт да этэ. Аҕабыт тахсан үүртэлиирэ уонна: «Мэник-тэник
оҕолоргун сэрэн, харыстаа», - диэн киһи курдук кэпсэтэрэ. Онно
иччитин диэки өйдөөх баҕайытык көрөн кэбиһэрэ. Кыһын кол­
хоз сылгытын үөрүн үүрэн аҕалан уочаратынан кырыатыыра,
туйахтарын ыраастыыра, онно анаан туттар сэптээх этэ. Урут
сылгылар бөһүөлэккэ сылдьалларын олох өйдөөбөппүн. Улаа-
тан баран, Быччыылыкка олордохпутуна кыһын эмиэ атыыр
үөрүн хантан эрэ үүрэн аҕалара, ону биһиги илин ыыппат гына
суолга туран хаайар этибит. Күнү быһа түннүгүнэн кэтиибит, ол 7
сылдьан аралдьыйан куоттаран кэбиһэрбит эмиэ баара. Сороҕор
Даркылаах диэки элбэх сылгы тыына туман буоларын көрдүбүт
да, соммутун анньынаат суолга сүүрэрбит. Сороҕор куоттаран,
аҕабыт барахсан күнү быһа тымныыга тоҥмутун-хаппытын
халлааҥҥа көтүтэн кэбиһэрбит. Аҕабыт сорудаҕынан, улаатан
да баран, наар ханна сылдьабыт да төһө сылгыны, атыыры, хай­
дах дьүһүннээҕин, хас биэлээҕин, кулуннааҕын хайаан да хан­
на, хаһан көрбүппүтүн биллэрэр этибит. Ньүөкүнүгэ олорор кэ-
миттэн биир олох умнубат, куруук саныыр, сороҕор харахпар да
көстөр түгэн баар: өтөххө күһүн тымныйан эрдэҕинэ боччоччу
таҥнан, ийэм улахан былаатынан тууна баанан баран, эбэ кы-
тыытыгар, эргэ молотилка аттыгар Уйбаанабыс оҕонньор (Хов-
ров И.И., Крылова Е.Г., Толиктаах эһэлэрэ) Бурцев Дьаакыптыын
сыарҕа сыҥааҕа иэҕэллэрин аһыырбын да умнан, айахпын
ата-ата көрөрбүн өйдүүбүн. Күнү быһа олорор этим быһыылаах,
дьонум сылгылаан кэлэн ылаллар этэ. Уйбаанабыс оҕонньор:
«Бу кыыс тоҥоро буолуо, бар дьиэҕэр, оҕолору кытта оонньоо»,
- диэн үүрэр этэ да, кыратык дьаадьайан баран, төттөрү кэлэн
олорунан кэбиһэр этим.