Page 46 - Уруйдуогун улуу кыайыыны

Ульяна Федоровна Кривошапкиналыын уонна бииргэ төрөөбүт быраатынаан
Константин Александрович Готовцевтыын олорбуттар, аҕатын туһунан өй-
дөөбөт үһү. Хос-хос эбэм төрөөбүт күнэ-дьыла биллибэт эбит, Тандаҕа таҥара
дьиэтэ умайбытыгар миэтирикэтэ онно сүппүт үһү. Кини улаатар сааһыгар
дойдуга Гражданскай сэрии буола турар кэмэ, ол кэмнэри бандьыыттар на-
һаалаабыт кэмнэрин курдук өйдүүрэ.
Кэнники мин хос-хос эһэбэр Дмитрий Васильевич Местниковка кэргэн
f тахсан Курбуһахха Дьаарыҥ сиригэр көһөн кэлэр. Аҕа дойдуну көмүскүүр^^
сэрии саҕаламмытыгар улахан сут дьыллара саҕаланаллар. Онно эһэм дьонун
аһатаары бэйэтэ бас билэр сылгытын өлөрөн сиэбитин иһин хаайыыга
угаллар. Эбэм барахсан икки кыра оҕолоох, кырдьаҕас ийэтинээн соҕотоҕун
хаалар.
Сүөһүлэр мэччийэр сирдэрэ суох буолан, «Коммунизм» холкуос Нам
сиригэр көскө бараллар. Ол саҕана билиҥҥи курдук суол, транспорт суох.
Таһаҕастарын, кыра оҕолорун, кырдьаҕастарын оҕуска тиэйэн, бэйэлэрэ
сатыы сыалай холкуос дьоно кыһалҕаттан төрөөбүт дойдуларыттан
барбыттар.
Эбэм холкуоска ыанньыксытынан сынньанар диэни билбэккэ үлэлээбит.
Холкуос оҥорон таһаарбыт этэ-аһа барыта фроҥҥа, онон аччыктаан өлүү
ол саҕана сонун буолбатах курдук үһү. Сэрии кэминээҕи сокуонунан туох да
тыылга хаалбакка, барыта фроҥҥа барара. Эбэм барахсан кыайыы туһа диэн
элбэх сыратын, күүһүн биэрбит.
Намҥа көһөн тиийэн баран, эбэм үһүс оҕотун төрөтөр. Дьукаах олорбут
дьоно хайдах соҕотох үс оҕону көрүөххүнүй, биһиэхэ иитиигэ биэр диэн этэ
сатаабыттарын сөбүлэспэтэх. Эбэм барыта сэттэ оҕолоох: улахан кыыһа -
мин хос эбэм Мария Дмитриевна Пестрякова (Местникова] 1939 сыллаахха
төрөөбүт, онтон Иван 1940 сыллаахха төрөөбүт. Нам сиригэр 1941 сыллаахха
күн сирин көрбүт оҕото Анна Дмитриевна - кэнники үөрэҕирии туйгуна, элбэх
көлүөнэ оҕо учуутала. Сэрии кэнниттэн өссө түөрт оҕону төрөтөр.
Эбэм Мария Александровна ыарахан уонна уһун олоҕу олорбута.
Кинини бары күүстээх санаалаах, ыраас толкуйдаах диэн өйдүүллэр. Хос-хос
сиэннэрин көрбүт дьоллоох. Кини 2000 сыллаахха 97 сааһыгар бу сиртэн
барбыта. Элбэх сиэнэ, хос сиэнэ «Эбээкэ-Эбээкэ» диэн таптаан ааттаан, сайын
аайы Быччыылыкка кини тиэргэнигэр мустан сайылыыллар үһү. Мин ийэм
Мария Ивановна эбэлэрин ааттарын сүкпүт соҕотох сиэн буолар.
Биһиги, Мария Александровна ыччата, хос-хос эбэбит аатын умнуо
суохтаахпыт. Манныккиһи олорон ааспыта, биһиги дьоллоох олоххо олорорбут
туһугар туох баар күүһүн-кыаҕын биэрбитин ахта-саныы сылдьыахтаахпыт
дии саныыбын. Кини ыарахан олоҕу олорон, оҕолорун сопке иитэн, биһиги
билигин киһи-хара буоллахпыт.
Аҕа дойду сэриитин туһунан аахтахпына, иһиттэхпинэ хараҕым уута
кэлэр. Төһөлөөх элбэх ийэ, аҕа, оҕо харахтарын уутунан сууммуттара буолуой?
Маннык сэрии хаһан да буолбатын, эйэлээх олох өрүү баар буоллун!

- 44-