Page 47 - Уруйдуогун улуу кыайыыны

ЭБЭМ УЛУУ КЫАЙЫЫНЫ УҺАНСЫБЫТА

Татаринова
Марина Семеновна

В.М. Прокопьев аатынан Тумул орто оскуолатын
1-кы кылааһын үөрэнээччитэ Денис Иванов.
Салайааччы Любовь Афанасьевна Алексеева

Хос эбэм Марина Семеновна Татаринова 1930 сыл-
лаахха кулун тутар 26 күнүгэр төрөөбүт. Билигин баара
буоллар 95 сааһын туолбут буолуохтаах этэ. Аҕата бастакы
хомуурга түбэһэн, Ийэ дойдутун көмүскүү фроҥҥа барбыта. Аҕа дойду сэ-
риитэ саҕаланарыгар эбэм 11 саастаах оҕо чороҥ соҕотох аймахтарыгар
иитиллэ хаалбыта. Икки хараҕа суох эһэтигэр көмөлөһөн мае мастаһара.
Кыһыл Кырдал оскуолатын икки халааҥка оһоҕун түүнүн, күнүһүн отторго
куруҥах маһы мастаан оҕуска тиэйэн киллэрсэрэ. Сут дьыл кураан туран,
ходуһаларын аһыҥа сиэбэтин диэн икки өттүнэн уһун быа баайан баран, ол
быаларын соһоллоро. Күһүнүн бурдук сиэмэтин хомуйсан, оҕус сиэтээччинэн
сылдьыбыта. Түүн кэлэн аны ол бурдуктарын миэлиҥсэлииллэрэ.
Сэрии бүтэрин саҕана Кыһыл Кырдаллааҕы детдом оҕолоругар 14
саастаах кыыс килиэп астыыра, таҥастарын абырахтыыра. Кэлин кини саа-
һыран олордоҕуна, ол детдом оҕолорун үбүлүөйдэргэ игин көрүстэҕинэ, бары
куруук махтаналлара. «Килиэбин амтана билигин да кэлэр», дииллэрэ. Ол
курдук, сэрии кэминээҕи оҕолор оҕо саас көрүн-нарын билбэккэ, улахан дьону
кытта тэҥҥэ кыайыы туһугар диэн күүстээх үлэҕэ умса түспүттэрэ. Ол ааспыт
кэмнэрин ахтан-санаан кэллэҕинэ, хараҕа ууланара.
Аҕата Семен Семенович Татаринов сэрии саҕаланыаҕыттан бүтүөр диэри
сылдьан, 1946 сыллаахха дойдутугар элбэх мэтээл, орден наҕараадалаах
тонной кэлбитэ. Хос эбэм оонньооботох оҕо сааһа эйэлээх олоххо сыаналанан
тыыл бэтэрээнэ буолбута. Бороҕон нэһилиэгин бочуоттаах олохтооҕун аатын