Page 42 - Уруйдуогун улуу кыайыыны

КЫРДЬАҔАС БУОЙУН ТААЙЫМ

Бочкарев
Илья Сергеевич

И.Н. Жирков аатынан Дүпсүн орто оскуолата
4-с кылааһын үөрэнээччитэ Никита Стручков.
Салайааччы Раиса Петровна Протопопова

Аҕа дойду Улуу сэриитин кыттыылааҕа, бойобуой
уордьаннардаах биһиги аймах ытыктыыр таайбыт
Илья Сергеевич Бочкарев, уоттаах сэрииттэн тыыннаах
эргиллэн кэлэн, дьонун-сэргэтин ортотугар үлэлээн, дьоллоох
олоҕу уһансыбыта.
Илья Сергеевич Бочкарев 1913 с. Дүпсүн улууһун 1-кы Өспөх
нэһилиэгэр төрөөбүтэ. 30-с сыллардааҕы комсомолец, «Үүнүү» холкуос
ударнига.
Кини 1941 с. армияҕа ыҥырыллыбыта. Мальта станциятыгар кылгас
болдьоххо минометнай чааска үөрэммитэ, онтон сэтинньигэ фроҥҥа
атаарбыттара. Москва таһыгар сүөкэнэн, 348-с Бобруйскай стрелковай
дивизия 1172-с Остроленскай стрелковай полкатын минометнай
ротатыгар бастакы наводчигынан, калин отделение командирынан
сэриилэспитэ. 1942 сыл кулун тутарга кини чааһын командирдара
Нога, Тонконотенко буойун Бочкарев хорсуннук сэриилэһэрин туһунан
оройуон хаһыатыгар сурук ыыппыттар. Кини бойобуой суолун Москва
анныттан саҕалаан Берлиҥҥэ түмүктээбитэ. Клин, Роговеч куораттары,
Калининскай,Орловскайуобаластары,Белоруссияны,Польшаны,Илиҥҥи
Пруссияны босхолоспута. Туйгун минометчик биир кыргыһыыга өстөөх
4 пулеметун, 120 саллаатын уонна офицерын суох гыммыта. 1944 сыл
балаҕан ыйын 6 күнүгэр Нарев өрүс арҕаа биэрэгэр тахсыһан, Остроленко
куорат оройуонугар кыргыһан, стратегическай суолталаах плацдармы
ылсыбыта. Старай Руссаны, Ильмень күөлүнэн элбэх хаан тохтуулаах

-40-