Page 5 - Уруйдуогун улуу кыайыыны

КИИРИИ тыл

Улуу Кыайыы 80 сила - киһи-аймах бүттүүнүн бырааһынньыга. Үрдүк
үерүү уонна харах уута хайата да ханыылаһар күнэ. Кыайыы туһа диэн
бүтүн норуот хорсуннук турууласпыта. Ытык сэрии уота 1418 хонукка
күүдэпчилэммитэ.
Биһиги эһэлэрбит, эбэлэрбит, ийэлэрбит, аҕаларбыт - хаан-уруу чугас
дьоммут бу өрөгөйдөөх кыайыыны уһансыбыттара. Онон хас биирдии-
битин сэрии диэн тыл олус долгутар. Уус Алдан улууһуттан 2 375 киһи
сэриигэ барбытыттан 1 293 киһи сэрии толоонугар охтубута. Сут-кураан
сылларга тыылга дойдуларыгар хаалбыт дьон - кырдьаҕастар, дьахтал-
лар, оҕолор Улуу Кыайыы туһугар турууласпыттара.
Эһэлэрбит, эбэлэрбит аҕалбыт эйэлээх олохторугар үгүс көлүөнэ үүн-
нэ, сайынна, олоҕу тутуста. Оттон билиҥҥи олохпутугар Арассыыйаҕа
бүттүүн бүрүүкээбит уустук балаһыанньаҕа дьоннорун-сэргэлэрин кө-
мүскэлигэр турбут, баҕа өттүлэринэн уонна ыҥырыллан ытык иэстэрин
төлүү сылдьар дьоммутунан, кинилэргэ күүс-көмө, өйөбүл буолар ийэлэ-
ринэн, кэргэттэринэн киэн туттабыт, сүгүрүйэбит.
Хас биирдии киһи дойдуга бэриниилээх буоларга дьулуһуохтаах уонна
олоҕун тухары төрөөбүт дойдута чэчирии сайдарын туһугар үөрэниэх-
тээх, үлэлиэхтээх, сайдыахтаах.
Киһи-аймах сайдыыта - биһиги оҕолорбут буолаллар. Сайдыы туһу-
гар оскуолаҕа үлэлиир-хамсыыр киһинэн буолар -учуутал. Бухомуурун-
ньукка Уус Алдан улууһун алын сүһүөх кылааһын оҕолоро учууталларын,
төрөппүттэрин кытта суруйбут үлэлэрэ түмүлүннэ.
Кыайыылаах норуот тулхадыйбат холобурун үйэлэргэ хаалларар,
көлүөнэттэн-көлүөнэҕэ тиэрдэр ытык иэстээхпит.

Ким да умнуллубат! Туох да умнуллубат!