Page 7 - Уруйдуогун улуу кыайыыны

Үлэлии-үлэлии киирэн эксээмэн туттарбыта. Ити сыл бэс ыйын 15 күнүт-
тэн, И.М. Иосифов аармыйаҕа барбытынан, хос эһэбин ааҕар балаҕан сэ-
биэдиссэйинэн анаабыттара. Манна кини биир сыл бэриниилээхтик үлэ-
лээбитэ.
Аҕа дойдуну көмүскүүр Улуу сэрии историята үйэ-саас тухары ум-
нуллубат. Германскай фашизм 1941 сыл бэс ыйын 22 күнүгэр Сэбиэскэй
Сойууска сэриинэн саба түспүтэ. Дойду устун сэрии хомуура саҕаламмы-
та. Саха сириттэн 1941 сыллаахха түөрт төгүл фроҥҥа хомуур ыытыл-
лыбыта. Уус Алдан оройуонуттан 564 киһи бэбиэскэлэммитэ. Олор
истэригэр мин хос эһэм 1943 сыл сайын Кыһыл Аармыйаҕа эмиэ ыҥы-
рыллыбыта. 1910-с истребительнай тааҥканы ытар 76 мм пушкалаах
артиллерийскай пуолкаҕа наводчик быһыытынан Японияны утары сэ-
риигэ кыттыыны ылбыта. Ити кэмҥэ батарея хомсомуолун тэрилтэтин
сэкирэтээринэн аармыйаҕауһуннукүлэлээбитэ. Биир төгүл 17-саармыйа
артиллеристарын бастыҥнарын слетугар кыттыыны ылан, тыл этэр
чиэскэ тиксибитэ.
Японияны кытта сэриигэ 1945 сыл атырдьах ыйын 9 күнүттэн 1946
сыл кулун тутар 9 күнүгэр диэри сэриилэспитэ. Хододулок станциятыгар
кэлэн олохсуйан, сайыны атааран иһэн хос эһэм пуолката ыһыллан
хаалбыта, оной 1946 с. атырдьах ыйыттан «Катюша» сэбилэниилээх
35-с туспа гвардейскай минометнай Смоленскай куорат аатынан Богдан
Хмельницкэй уордьаннаах дивизиоҥҥа түбэспитэ. Онно расчет хаман-
дыырынан сылдьыбыта.
Аҕа дойду сэриитигэр хорсунун-хоодуотун иһин «Бойобуой үтүөлэ-
рин иһин», «Японияны кыайыы иһин» мэтээлинэн, «За отличную ар­
тиллерийскую стрельбу», «Отличный артиллерист», «Отличник РККА»
значоктарынан наҕараадаламмыта. Эйэлээх олоххо килбиэннээх үлэтин
иһин элбэх наҕараадаҕа тиксибитэ, өрүү чиэскэ-бочуокка сылдьыбыта.
Олорбут уулуссатыгар кини аата иҥэриллибитэ да элбэҕи этэр.
Сэрииттэн кэлэн баран үлэ бэтэрээнэ холкуоска, сопхуоска биригэ-
дьииринэн, экономиһынан, прорабынан, кладовщигынан, комсомол сэ­
кирэтээринэн үтүө суобастаахтык үлэлээбитэ. Араас куораттарга үөрэҕин
үрдэтэн үөрэммитэ. Үчүгэй үлэтин иһин, соҕуруу сынньана барар путев-
канан наҕараадаламмыта.
Кини баара-суоҕа 65 сааһыгар ыарахан ыарыыттан күн сириттэн суох
буолбута. Бу уоттаах сэрии иэдээнэ, күүстээх үлэ, сэрии кэминээҕи кы-
рыымчык олох кини доруобуйатын айгыраппыттара.
Хос эһэм Дмитрий Иванович Сивцев 27 сиэннээх, 66 хос сиэннээх, 2
хос-хос сиэннээх.
Мин хос эһэбинэн киэн туттабын.

teg