Page 8 - Уруйдуогун улуу кыайыыны

МИН ЭҺЭМ - МИН КИЭН ТУТТАР КИҺИМ

Бережнее
Степан Иванович

Мүрү 2-с №-дээх орто оскуолатын
1-кы кылааһын үөрэнээччитэ Артем Турантаев.
Салайааччы Татьяна Владимировна Герасимова

Сэрии диэн тылтан киһи барыта куттанар. Сэриини
кытта туох куһаҕан барыта сибээстээх. Ол иһин кыайыы
буоларын туһугар сэриилэспит, үлэлээбит дьону геройдар дни саныыбын.
Оннук киһинэн мин хос-хос эһэм Степан Иванович Бережнев буолар.
Хос-хос эһэм Степан Иванович Бережнев 1920 сыллаахха Түүлээх нэ-
һилиэгэр төрөөбүтэ. 1928 сыллаахха Түүлээх начальнай оскуолатыгар
үөрэнэ киирбитэ. Манна 4-с кылааһы үөрэнэн бүтэрэн баран, 1933 сылтан
«Ситимнэһии» диэн холкуоска үлэлээбитинэн барбыта. Кини улааттаҕын
ахсын үлэтэ эмиэ улаатан испитэ. Массыына суох кэмигэр оҕуһунан, атынан
Суоттуттан, куораттан таһаҕас таһыытыгар сылдьара. От охсор, мунньар,
бурдук быстарар массыыналары үлэлэтэрэ. Араас тутууларга үлэлиирэ.
Мас кэрдиитигэр, саһаан охсуутугар сылдьара. Кини маҥнай Ааллаах Үүн
таһаҕаһын таһыыга 1938-1939 сыл кыһын барбыта. Онтон иккис сырыы-
тын 1941-1942 сыл кыһын сылдьыбыта. Манна түөрт сыарҕалаах атынан
сылдьар этилэр. Мууһу аннынан балык булдугар үгүс көлөһүнэ барара.
Чурапчы военкоматынан ынырыллан, 1943 сыллаахха бэс ыйын 8
күнүгэр сэриигэ барбыта. 24-с мотострелковай полкаҕа рядовойунан
сылдьыбыта.
Армияттан 1946 сыллаахха кэлбитэ. Армияттан кэлэн баран салгыы
холкуоһугар үлэлээбитэ. Кыһынын таһаҕаһын таспытынан, сайынын
отун оттообутунан барбыта.
1948-1949 сылларга кыһын Охотскай Перевозка эмиэ үсүһүн түөрт
атынан таһаҕас таһа сылдьыбыта. Хачыкаат маһын кэрдиитигэр биир
сыл бара сылдьыбыттаах.

-6-