Page 10 - Уруйдуогун улуу кыайыыны

долгуйууларын тастарыгар таһаарбакка, ботуоҥкаларын сыыһын сүгэн,
аттарын миинэн куорат военкоматыгар киирэллэрэ.
Эһэм Челябинскай куоракка тиийэн байыаннай үөрэххэ үөрэммитэ.
16-с хайыһар биригээдэтин састаабыгар киирэн, бастакы бойобуой
сүрэхтэниитин Соҕурууҥну фроҥҥа Ростов-на-Дону арҕаа өттүгэр Мамаев

ҕаламмыта. Эһэм полката Сталино, Волноваха, Большой Токмак куораттары
босхолуур иһин кырыктаах кыргыһыыларга кыттыбыта. Бу кыргыһыыларга
эһэм бааһыран, Сталино куорат госпиталыгар эмтэнэ атаарыллыбыта.
Үтүөрбүтүн кэннэ 19-с гвардейскай танковай корпус 202-с красноар-
мейскай танковай бригадатыгар анаабыттара. 1944 сыл муус устарга бу
чаас 4-с Украинскай фронт састаабыгар киирсэн, Сиваһы туораан Крымы
босхолооһуҥҥа кыттыбыта. Биһиги чаастарбыт Джанкой, Симферополь,
Бахчисарай, Севастополь куораттары босхолообуттар.
1944 сыл бэс ыйыгар эһэм чааһа Тула куоракка тиийэн салгыы байыаннай
бэлэмнэниини барбыт. Онтон салгыы I Прибалтийскай фронт састаабыгар
Литовскай ССР Поневежеск куорат анныгар салгыы сэриигэ киирбит. 1944
с. атырдьах ыйыгар үгүс хаан тохтуулаах кыргыһыылар түмүктэригэр Бир-
жай, Шауляй, Добеле куораттары босхолообуттар.
Салгыы кимэн киирии кэмигэр эһэм миинэ иитэ сылдьан билиэҥҥэ
түбэһэр. Тохсунньу 21 күнэ буолар түүнүгэр хорсун байыастар төрдүө буолан
Клайпеда концлагерыттан өстөөх билиэниттэн куоппуттар.
Стройга эргиллээт, 257-с Краснознаменнай дивизия 948-с стрелковай
полкатыгар взвод полковай разведкатыгар ылыллан, эһэм өстөөх тыылы-
гар «тыл» ыла элбэхтик сылдьыбыт. Онтон снайперскай группа старшай-
ынан ананан сэрии бүтүөр диэри сылдьыбыт. Кыайыы күнүн эһэм Либава
куорат анныгар көрсүбүт.
1946 сыл ыам ыйын 14 күнүгэр демобилизацияланан дойдутугар этэҥҥэ
эргиллибитэ. Эһэм хорсун быһыытын бэлиэтинэн Аҕа дойду I степеннээх,
«За отвагу», «Германияны кыайыы иһин» мэтээллэрдээх.
1946 сылтан пенсияҕа тахсыар диэри Герой Егоров аатынан холкуоска,
сопхуоска суоппардаабыта. Үлэҕэ ситиһиилэрин иһин «Үлэ Кыһыл Знамята»
уордьанынан, «Ленин төрөөбүтэ 100 сыла», «Килбиэннээх үлэтин иһин» мэ-
тээллэринэн, элбэх грамоталарынан наҕараадаламмыта.
Мин хос эһэм Михаил Николаевич Охлопков Аҕа дойду сэриитигэр
хорсуннук сэриилэһэн Улуу Кыайыыны уһансыбыта. Биһиги, хос сиэннэрэ
эһэбит тыыннааҕын көрбөтөхпүт да иһин, кинини олохпутугар холобур
оҥостобут, ытыктыыбыт, сүгүрүйэбит, кини аатын үйэтитэн научнай-прак-
тическай конференцияларга кыттабыт, сырдатыы үлэтин ыытабыт.

-8-