Page 78 - Уруйдуогун улуу кыайыыны

Олохпор умнуллубат тугэним.
15.02.2024
2023 сыл бэс ыйын 6 күнэ... Анал байыаннай дьайыы буола турар
биир чааһыгар ыксаллаах түгэн үүммүтэ. Өстөөх аҕыс бронетехниката:
икки тааҥка уонна алта байыаннай массыына харса суох атаакаҕа сүүрдэн
киирбиттэрэ. Онуоха Арассыыйа аармыйатын «Алеша» диэн сүрэхтэммит
тааҥката, өстөөх колонната иһэрин көрдө-көрбүтүнэн суос-соҕотоҕун уун-
утары харса суох сүүрдэн киирэн, колонна айанын тохтотон, Арассыыйа
артиллериятын өйөбүлүнэн уоту аһан, өстөөҕү күдэҥҥэ көтүппүтэ. Кини
Ийэ дойду иһин туруулаһыыны, хорсун дьоруойдуу быһыыны көрдөрбүтэ.
Хорсун экипаж танкистарыттан биирдэстэрэ наводчик-оператор -
биһиги биир дойдулаахпыт Алексей Неустроев этэ. Бу хорсун быһыытын
иһин «Алеша» тааҥка экипаһа Россия Геройа ааты ылбыта.
Бу үөрүүлээх, долгутуулаахтүгэн мин өйбөр биир умнуллубат, дьоллоох
өйдөбүлүнэн хаалла. Биһиги, Алеша үөрэммит оскуолатын үөрэнээччилэрэ,
Дьоруойбутун көрсүһүү, чиэстээһин түгэннэрин хаһан даумнубаппыт. Ити
кэмҥэ мин иккис кылааска үөрэнэрим. Дьоруой паартатын арыйыыга мин
харда тыл эппитим, Алешалыын кини паартатыгар олорон хаартыскаҕа
түспүтүм, Саха телевиденитыгар уһуллубут дьоллоохпун.
Улаатан истэҕим аайы дьоруой биир дойдулаахпынан киэн туттуум
өссө улаатан иһэр. «Алеша» тааҥка экипаһын хорсун быһыытын ту-
һунан хоһооннор сурулуннулар, бүтүн Россия дьоно сүһүөхтэригэр
туран истэр, ыллаһар ырыалара айылыннылар. Бу барыта - биһиги
ыкса ыалбыт оҕото, убайдаатар убайбыт, биир дойдулаахпыт хорсун
быһыыта, кыайыыта буолара биһигини элбэххэ эбээһинэстиир. Биһиги,
бүгүҥҥү күн үөрэнээччилэрэ, дойдубутугар бэриниилээх дьон буола
улаатыахтаахпыт, ол инниттэн кыра сааспытыттан өй-санаа өттүнэн
сайдыылаах, эт-хаан өттүнэн бэлэмнээх буолуохтаахпыт.
Дьоруойдуу быһыыны хорсун сүрэхтээх киһи оҥорорун, мин Алеша
холобуруттан биллим. Аттыбытыгар сылдьар чугас киһибит ыксаллаах
түгэҥҥэ хорсун быһыыны оҥоруон сөбүн өйдөөтүм.

- 76-