Page 73 - Уруйдуогун улуу кыайыыны

СаллаатмедальонаАҕадойдусэриитигэр Кыһыл Армия мөлүйүөнүнэн
саллааттарыгар бэриллэр эбит. Кинилэр аналлара саллаат тус дааннайа
суруллан, саллаат кыргыһыы хонуутугар сүтэн-оһон хааллахтарына
туоһу буолаллар эбит.
Ржев куораты босхолооһун Аҕа дойду сэриитин историятыгар биир
саамай хаан тохтуулаах, хабыр хапсыһыылаах кыргыһыынан биллэр. 1942
сыл тохсунньутуттан 1943 сыл кулун тутарыгар диэри салҕанан барбыт.
Барыта Советскай армияттан 600 тыһыынчаттан тахса киһи тыыннарын
толук уурбуттара биллэр. Кинилэр истэригэр өлбүттэр, бааһырбыттар,
билиэн түбэспиттэр элбэхтэр.
Ржев-Вязьма туһаайыытынааҕы кыргыһыыга элбэх саха саллаата
суорума суолламмыта. Бу суостаах-суодаллаах хапсыһыыга элбэх киһи
сураҕа суох сүппүтэ. Олортон биирдэстэрэ биһиги биир дойдулаахпыт,
Иннокентий Матвеевич Готовцев Ржев куораты көмүскээһиҥҥэ хорсун-
нук охтубута 78 сыл буолан баран чуолкайдаммыта. Кини илдьэ сылдьы-
быт медальона дойдутун булбута.
Бу медальону 2020 сыллаахха Аҕа Дойду Геройдар күннэригэр, Дьо-
куускай куоракка Республика правительствотын улахан мунньахтыыр
саалатыгар Саха Республикатын Ил Дархана Айсен Сергеевич Николаев
улаханнык долгуйан туран, Иннокентий Матвеевич Готовцев дойдутун
дьонугар ааттаан-суоллаан Танда музейыгар туттарбыта.
Ирдиир үлэ салгыы ыытыллан, Иннокентий Матвеевич ийэтин аата
Мария Готовцева диэн 1886 сыллаах төрүөх буолара сабаҕаланар, ки-
ни бииргэ төрөөбүт Георгий диэн убайдаах эбит. Бу маны 1927-1928
сыллааҕы оччотооҕу Дьокуускай уокуругун Байаҕантай улууһун Тандин-
скай нэһилиэгин «Посемейный список» диэн архыып докумуонуттан
буллубут. Хорсун буойун Иннокентий Готовцев оччотооҕу Тандинскай
нэһилиэк «Сулус» холкуоһун 26 ньургун уолаттарын ортолоругар баар
этэ. Онон биһиги билиҥҥи көлүөнэ ыччат Аҕа дойду улуу сэриитигэр
тыыннарын толук уурбут биир дойдулаахтарбыт ааттарын үйэтитиигэ,
кинилэр хорсун быһыыларын көлүөнэттэн-көлүөнэҕэ салҕыы иҥэрэргэ
үлэлэһэбит, кинилэр сырдык кэриэстэригэр бэриниилээх буолабыт.