Page 75 - Уруйдуогун улуу кыайыыны

1976 сыллаахха Дүпсүн сиригэр төрөөбүтэ. Детсад, оскуола саҕаттан убай-
бын сытыы-хотуу, куруутун үөрэ-көтө сылдьар, дьоҥҥо элэккэй, сы-
тыары-сымнаҕас майгылаах, булугас-талыгас диэн билинэллэр. Эһэтин,
Иннокентий Семенович Стручкову батыһа сылдьан үлэҕэ, от оттуурга, мае
мастыырга, илим үтэргэ.бултуурга үөрэммитэ.
Убаай Сылаабык наһаа үөрүнньэҥ, хаһан да кыыһырбат, элбэх ба-
лыстарыгар, бырааттарыгар көмө-тирэх буолар эта...
1994 сыллаахха дойдутун туһугар ытык чиэһин көмүскүү армияҕа
сулууспалыы барбыта. Ол сырыттаҕына Чечня сэриитигэр ыытаннар,
хорсуннук сэриилэспитэ. Этэҥҥэ эргиллэн, кэлэн дойдутугар үтүө суо-
бастаахтык үлэлээбитэ, нэһилиэк туһугар араас күрэхтэргэ кыттыбыта. Ин-
бэлиит ийэтин бэйэтэ көрөн-истэн, аттыгар олорон көрсүбүтэ.
2022 сыл. Дойдубут үрдүнэн күүтүллүбэтэх иэдээн буолбута, Украина
сэриитигэр хомуур саҕаламмыта. Биһиги убайбыт Сылаабык тугу да уһун-
нук толкуйдаабакка, дойдутун туһугар анал байыаннай дьайыыга барарга
быһаарыммыта. Кини эрдэттэн сэрии диэн хайдаҕын, туох содуллааҕын
биллэр да барбыта... Төһө да сэриигэ сырыттар ийэтин, дьонун кытта билеэ,
сураһа олорор этэ. Онтон 2023 сылгаулахан эчэйиини ылан дойдутугар кэл-
битэ. Хорсун быһыыны көрдөрбүтүн иһин таайым элбэх наҕараадалаах. О л
курдук, «Участник боевых действий на Кавказе», «Защитник Отечества», «За
боевые заслуги», «25-летие Чеченской войне» «25 лет Ассоциации ветеранов
боевых действий органов внутренних дел и войск PC [Я]» мэтээллэринэн,
«За бои в Чечне» анал бэлиэлэрдээх.
Таайым Вячеслав Владимирович икки сэрии уот кутаатын ортотунан
бойобуой эбээһинэһин чиэстээхтик толорон, бааһырыыта улахан буолан
баара-суоҕа 47 сааһыгар олохтон барбыта. Эбэбит саамай дурда-хахха туттар
киһитэ суох буолуута биһиги аймахха, бүтүн нэһилиэккэ, улууска улахан
кутурҕан буолбута.
Билигин биһиги таайбыт аатын үйэтитэр туһугар кыһаллабыт. О л курдук,
быйыл оскуолабытыгар, нэһилиэккэ Вячеслав Кудрин-Сылаабык аатынан
оскуола уолаттарыгар «Эдэр буойун» уонна нэһилиэк дьонугар буулдьанан
ытыы күрэһэ олус үчүгэйдик ыытылынна. Убайбыт элбэх аймахтаах,
доҕордоох буолан, бу күрэс тэриллибитэ. Ону таһынан анал байыаннай
дьайыы кыттыылаахтара кэлэн кыттыыны ылбыттарыгар биһиги наһаа
үөрбүппүт. Ордук эбэбит долгуйбута уонна махтаммыта.
Мин аҕабынан уонна таайбынан киэн туттабын. Кинилэр күүстээх
санааларыгар, оҥорбут хорсун быһыыларыгар сүгүрүйэбин. Үчүгэй үөрэх-
пинэн, сэмэй бэрээдэкпинэн, улаатан үтүө үлэһит идэлээх киһи буолан,
дьоммун ааттатыам дни саныыбын. Сэрии бүтэн, эйэлээх олох эргиллиэн
баҕарабын. Ыраас халлааҥҥа чаҕылхай күн өрүү тыктын, биир да ийэ
ытаабатын, хомойботун.